కేరళలో భారీ మొత్తంలో పేలుడు పదార్థాలను రైల్వే పోలీసులు స్వాధీనం చేసుకున్నారు. చెన్నై ఎక్స్‌ప్రెస్‌లో ఓ ప్రయాణికురాలి వద్ద నుంచి 117 జిలెటిన్ స్టిక్స్‌, 350 డిటోనేటర్లను స్వాధీనం చేసుకున్నారు.
కోజికోడ్ రైల్వే స్టేషన్లో రైల్వే ప్రొటెక్షన్ ఫోర్స్(ఆర్పీఎఫ్) నిర్వహించిన తనిఖీల్లో ఈ పేలుడు పదార్థాలను పట్టుకున్నారు. రైల్లో ప్రయాణికురాలు కూర్చున్న సీటు కింద ఈ పేలుడు పదార్థాలు లభ్యమయ్యాయని అధికారులు తెలిపారు. ఈ ఘటనలో తమిళనాడులోని తిరువన్నమలైకు చెందిన రమణిని రైల్వే పోలీసులు అదుపులోకి తీసుకున్నారు.
ఇదీ చూడండి: కేరళలో ఆర్ఎస్ఎస్ కార్యకర్త దారుణ హత్య
