కరోనా కట్టడిలో ముందుండి సేవలందించే వైద్య సిబ్బంది వైరస్ బారినపడటం ఆందోళన కలిగిస్తోంది. దిల్లీలోని సరోజ్ సూపర్ స్పెషాలిటీ ఆసుపత్రిలోనే 80 మంది వైద్య సిబ్బందికి కరోనా పాజిటివ్గా తేలింది. ఓ వైద్యుడు ప్రాణాలు కోల్పోయారు. మృతి చెందిన వైద్యుడు డాక్టర్ ఏకే రావత్ రెండు నెలల క్రితమే వ్యాక్సిన్ తీసుకున్నట్లు ఆసుపత్రి వర్గాలు తెలిపాయి.
" మార్చి తొలి వారంలోనే డాక్టర్ రావత్ వ్యాక్సిన్ రెండో డోసు తీసుకున్నారు. ఆ తర్వాత వైరస్ బారినపడ్డారు. కరోనా నిర్ధరణ కాగానే హోంఐసోలేషన్కు వెళ్లారు. ఆరోగ్యం క్షీణించిన క్రమంలో ఆసుపత్రికి తరలించారు. చికిత్స పొందుతూ శనివారం మరణించారు. "
- డాక్టర్ పీకే భరద్వాజ్, ఆసుపత్రి చీఫ్ మెడికల్ ఆఫీసర్
వైరస్ బారిన పడిన 80 మందిలో వైద్యులు, నర్సులు, వార్డ్ బాయ్స్, ఇతర సిబ్బంది ఉన్నట్లు భరద్వాజ్ తెలిపారు. అందులో చాలా మంది సిబ్బంది ఆసుపత్రుల్లో చేరారు. ఇంకా కొంత మంది హోంఐసోలేషన్లో ఉన్నారు.
ఇదీ చూడండి:
