మోదీ క్రేజ్తో వరుసగా రెండోసారి అధికారంలోకి వచ్చిన భాజపాకు కొవిడ్ మహమ్మారితో విమర్శలు ఎదురవుతున్నాయి. వైరస్ను ఎదుర్కోవటంలో మోదీ సర్కారు విఫలమైందంటూ విపక్షాలు ఆరోపణలు చేస్తున్నాయి. ఈ క్రమంలో మోదీపై ప్రజల్లో విశ్వాసం సన్నగిల్లుతోందా? అన్న ప్రశ్న తలెత్తుతోంది. కొవిడ్ రెండో దశ కట్టడిలో కేంద్రం తీరు ఇందుకు ఆజ్యం పోస్తోంది. ఈ క్రమంలో కొవిడ్ను ఎదుర్కోవటంపై ఏబీపీ-సీ సంస్థ సర్వే నిర్వహించింది.
కొవిడ్ను సమర్థవంతంగా మోదీ ప్రభుత్వం ఎదుర్కొంటోందని 63 శాతం మంది తెలిపినట్లు సర్వే వెల్లడించింది. ఇదే సమయంలో రాహుల్ గాంధీకి 22 శాతం మాత్రమే ప్రజాదరణ లభించటం గమనార్హం.
63 శాతం మంది మద్దతు మోదీకే..
- ప్రధాని మోదీ ఈ పరిస్థితులను బేషుగ్గా ఎదుర్కొన్నారని 63.1 శాతం మంది అభిప్రాయపడ్డారు.
- 65.8 శాతం పట్టణ ప్రాంత వాసులు, 61.9 శాతం మంది గ్రామీణ ప్రాంతీయులు మోదీకే మద్దతు పలికారు.
- మే 23 నుంచి మే 27 మధ్య 12,070 మందిని సర్వే చేసి ఈ వివరాలు వెల్లడించింది ఏబీపీ-సీ సంస్థ.
- ప్రస్తుత సంక్షోభ పరిస్థితులను రాహుల్ గాంధీ సరైన రీతిలో ఎదుర్కొనేవారని 22 శాతం మంది అభిప్రాయపడ్డారు.
- రాహుల్ గాంధీ ప్రధాని అయి వుంటే కొవిడ్ సంక్షోభాన్ని ఎదుర్కొనే తీరు మరింత మెరుగ్గా ఉండేదని.. 20.1 శాతం మంది పట్టణ ప్రాంతీయులు పేర్కొన్నారు. 22.8 శాతం గ్రామీణులు ఇదే విధంగా అభిప్రాయపడ్డారు.
ఇదీ చదవండి:అనాథ చిన్నారులకు పీఎం కేర్స్ నుంచి రూ.10 లక్షలు!
