boy mud race: మట్టిలో దూసుకుపోయే బైక్ల ఆట చూసే ఉంటారు. ఎత్తుపల్లాలుగా ఉండే మట్టిరోడ్లపై ప్రయాణిస్తూ.. బైక్తో విన్యాసాలు చేస్తూ ఈ గేమ్ సాగిపోతుంటుంది. కొంచెం అటూఇటుగా నడిపితే అంతే సంగతులు! అలాంటి డర్ట్ గేమ్ పోటీల్లో ఓ ఆరేళ్ల బాలుడు రేసింగ్ చేస్తూ అధికారుల కంట పడ్డాడు. సీనియర్లతో కలిసి బైక్ రేసింగ్ చేశాడు. శిక్షణలో భాగంగానే ఇలా చేసినప్పటికీ.. అధికారులు చర్యలు తీసుకున్నారు.
Six year boy mud race training: పాలక్కడ్కు చెందిన షానవాజ్ అబ్దుల్లా కుమారుడు డర్ట్ బైక్పై విన్యాసాలు చేసినట్లు పోలీసులు గుర్తించారు. ఇందుకు సంబంధించిన వీడియో సోషల్ మీడియాలో వైరల్ అయింది. దీంతో వెంటనే చర్యలు తీసుకున్నారు. షానవాజ్కు పోలీసులు నోటీసులు ఇచ్చారు. దక్షిణ పాలక్కడ్ పోలీస్ స్టేషన్కు రావాలని సమాచారం పంపారు. అతడిపై కేసు నమోదు చేసినట్లు పోలీసులు వెల్లడించారు. బాలుడి తండ్రికి కౌన్సిలింగ్ ఇచ్చారు. బైక్ రేసింగ్ కోసం శిక్షణ ఇస్తున్న నిర్వహకుల వివరాలు సేకరిస్తున్నారు.
ఆదివారం ఈ శిక్షణ కార్యక్రమం జరిగినట్లు తెలుస్తోంది. జిల్లాలోని కాడగొట్ట సమీపంలో రేసింగ్కు శిక్షణ ఇచ్చారు. అయితే, తన కుమారుడు శిక్షణ కోసమే బైక్పై ప్రయాణించాడని షానవాజ్ చెప్పుకొచ్చారు. ఇందుకోసం బొమ్మ బైక్నే ఉపయోగించాడని తెలిపారు. ఎలాంటి నిబంధనను తాము అతిక్రమించలేదని చెప్పారు.
ఇదీ చదవండి: మైనర్పై రెండేళ్లుగా అత్యాచారం.. తీవ్రంగా హింసించి గ్యాంగ్రేప్
