ఒకే ఆసుపత్రిలో 37 మంది వైద్యులకు కరోనా

ఒకే ఆసుపత్రిలో పనిచేసే 37 మంది డాక్టర్లకు కరోనా సోకింది. దిల్లీలోని ఓ ఆసుపత్రి వర్గాలు ఈ విషయాన్ని వెల్లడించాయి.

దిల్లీలోని సర్​ గంగారామ్​ ఆసుపత్రిలో పనిచేసే 37 మంది వైద్యులకు కొవిడ్​ పాజిటివ్​గా నిర్ధరణ అయింది. ఈ విషయాన్ని గురువారం సాయంత్రం ఆసుపత్రి వర్గాలు వెల్లడించాయి. ప్రస్తుతం డాక్టర్లు హోం ఐసోలేషన్​లో ఉన్నట్లు తెలిపాయి.

దిల్లీలో కరోనా కేసులు రికార్డు స్థాయిలో పెరుగుతున్నాయి. గురువారం ఒక్కరోజే 7,437 మందికి పాజిటివ్​గా తేలింది. ఫలితంగా మొత్తం బాధితుల సంఖ్య 7 లక్షలకు చేరువైంది. మరో 24 మంది మృతి చెందారు.

ఇదీ చదవండి:బైక్​ కొంటే హెల్మెట్​ ఉచితం