Court Judgement On Rape Case: అభం శుభం తెలియని ఐదున్నర ఏళ్ల బాలికపై అత్యాచారానికి పాల్పడిన ఓ కామాంధుడికి కేరళలోని పాలక్కాడ్ కోర్టు గట్టి షాకిచ్చింది. ఏకంగా 46 ఏళ్ల జైలు శిక్ష, రూ.2.75 లక్షల జరిమానా విధించింది. ఈ మేరకు బుధవారం తీర్పును వెల్లడించింది.
పోలీసుల వివరాల ప్రకారం.. 2019లో ఈ దారుణం జరిగింది. కొంగడ్ పట్టణంలో నివాసించే బాధితురాలి ఇంట్లోకి అర్ధరాత్రి నిందితుడు చొరబడ్డాడు. అనంతరం చిన్నారిని బలవంతంగా తీసుకుని.. పొలంలోకి వెళ్లి అఘాయిత్యానికి పాల్పడ్డాడు. విషయం తెలుసుకున్న బాధితురాలి కుటుంబ సభ్యులు పోలీసులకు ఫిర్యాదు చేశారు. నిందితుడిపై పలు సెక్షన్ల కింద కేసు నమోదు చేసి అరెస్ట్ చేశారు పోలీసులు. 16 మందిని విచారించిన పోలీసులు.. 15 డాక్యుమెంట్లను కోర్టుకు సమర్పించారు. బుధవారం విచారణ జరిపిన కోర్టు.. నిందితుడికి 46 ఏళ్ల జైలు శిక్ష విధించింది. కానీ, అన్ని శిక్షలు ఏకకాలంలో అమలవ్వడం వల్ల 20 ఏళ్లు మాత్రమే నిందితుడు జైలులో ఉంటాడు.
ఇవీ చదవండి: Live Video: టోల్గేటు వద్ద అంబులెన్స్ బోల్తా.. ముగ్గురు మృతి
'రోజూ ఇవి ఎలా తినగలం సారూ?'.. మాడిన రొట్టెలపై కోర్టులో ఖైదీ ఫిర్యాదు
