ఉత్తర్ప్రదేశ్లో పట్టాలు తప్పిన గూడ్స్ రైలు
ఉత్తర్‌ప్రదేశ్‌ లఖ్‌నవూలో గూడ్స్ రైలు పట్టాలు (Train Derailment) తప్పి ప్రమాదానికి గురైంది. దిల్లీ- హౌడా రైల్వే లైనులోని అంబియాపుర్ వద్దకు రాగానే 24 బోగీలతో వెళ్తున్న ఖాళీ గూడ్స్ రైలు (Goods Train Derailed in UP) అదుపుతప్పింది. దీంతో బోగీలు ఒకదానికొకటి ఢీకొని పట్టాలపై చెల్లాచెదురుగా పడిపోయాయి.
అయితే ఈ ఘటనలో ఎలాంటి ప్రాణనష్టం జరగలేదని రైల్వే అధికారులు వెల్లడించారు.
కాన్పుర్‌ రైల్వేస్టేషన్‌కు 50కిలోమీటర్ల దూరంలో ఈ ప్రమాదం (UP Derailment) జరగగా, రైళ్ల రాకపోకలకు తీవ్ర అంతరాయం ఏర్పడింది. పట్టాలపై ఉన్న బోగీలను తొలగించేందుకు అధికారులు శ్రమిస్తున్నారు.
ఇప్పటికే పలు రైళ్లను మళ్లించిన రైల్వే అధికారులు రాకపోకలను పునరుద్ధరించేందుకు ఏర్పాట్లు చేస్తున్నారు.
ఇదీ చూడండి: ఘోర రోడ్డు ప్రమాదం.. ఫ్లైఓవర్పై నుంచి బస్సు బోల్తా
