నలుగురు పిల్లల తల్లితో యువకుడి 'ప్రేమ వివాహం'

ఆమె వయసు 41 ఏళ్లు. నలుగురు పిల్లలు. అయితేనేం.. 21 ఏళ్ల యువకుడిని ప్రేమించింది. వారి ప్రేమ వ్యవహారం ఎట్టకేలకు కుటుంబసభ్యులకు, గ్రామస్థులకు తెలిసింది. దీంతో ఇద్దరికీ వివాహం చేశారు. ఈ షాకింగ్ ఘటన బిహార్​లో జరిగింది.

ప్రేమ గుడ్డిది అంటారు. ప్రేమకు కులమతాలు లేవంటారు. సరిగ్గా అలాంటి ఘటనే బిహార్​లో జరిగింది. అవును.. 41ఏళ్ల మహిళ, 21ఏళ్ల యువకుడి ప్రేమాయణం ఇప్పుడు రాష్ట్రవ్యాప్తంగా సంచలనంగా మారింది.

ఏం జరిగిందంటే..?

బిహార్, ఖగడియా జిల్లా పంచ్​కుటీ మండలం దరియాపుర్ పంచాయతీ పరిధిలోని నయాగావ్​కు చెందిన మనతి దేవికి 41ఏళ్లు. ఆమెకు నలుగురు పిల్లలు. భర్త మరణించాడు. అయితే జొరావర్​పుర్​కు చెందిన రవికుమార్​(21)తో పరిచయం ఏర్పడింది. గత రెండేళ్లుగా ఇద్దరు ప్రేమించుకుంటున్నారు. ఇద్దరు వేరువేరు కులస్థులు. రవికుమార్.. మనతి దేవి ఇంటికి వస్తూ వెళ్తూ ఉండేవాడు.