మహిళ గర్భాశయంలో 18 కిలోల కణతి

కర్ణాటకలో అరుదైన శస్త్రచికిత్స చేసి ఓ మహిళను రక్షించారు వైద్యులు. ఆమె గర్భాశయం నుంచి 18.4 కిలోల కణతిని తొలగించారు.

కన్నడ రాష్ట్రంలోని దావణగెరెలో ఓ మహిళ గర్భాశయంలో పెరిగిన 18.4 కిలోల కణతిని శస్త్ర చికిత్స ద్వారా తొలగించి.. ఆమెకు పునరుజ్జీవం పోశారు వైద్యులు.

బళ్లారికి చెందిన ఓ మహిళ కడుపులో గత ఆరు నెలలుగా కణతి పెరుగుతోంది. ఆమె ఇటీవల ఆస్పత్రికి వెళ్లగా.. దాన్ని తొలగించాలని వైద్యులు చెప్పారు. తొలుత ఆమె ఆపరేషన్ అంటే భయపడ్డారు. అయితే.. ఇటీవల నొప్పి తీవ్రమవ్వడం వల్ల మరోసారి వైద్యుల్ని సంప్రదించారు. గైనకాలజిస్ట్​ డాక్టర్​ గిరిధర, సర్జన్​ డాక్టర్​ రవీంద్ర.. సదరు మహిళకు శస్త్రచికిత్స చేసి కణతిని తొలగించారు.

శస్త్రచికిత్స విజయవంతంగా చేసినందుకు.. బాధితురాలి కుటుంబ సభ్యులు, వైద్యులకు కృతజ్ఞతలు తెలిపారు.

ఇదీ చదవండి: రాడార్లకు చిక్కని యుద్ధనౌకలు!