జమ్ముకశ్మీర్ ప్రభుత్వం చేపట్టిన డోర్ టు డోర్ వ్యాక్సినేషన్ ప్రక్రియలో భాగంగా.. 124ఏళ్ల బామ్మ గురువారం టీకా తీసుకున్నారు. బారముల్లాకు చెందిన ఈ బామ్మ టీకా తొలి డోసు తీసుకున్నట్లు అధికారులు తెలిపారు.
"124 ఏళ్ల బామ్మ రెహ్తీ బేగమ్ టీకా తొలి డోసు తీసుకున్నారు. డోర్ టు డోర్ టీకా పంపిణీ కార్యక్రమంలో భాగంగా.. క్రాల్ మొహల్లా ప్రాంతంలో ఆమె వ్యాక్సిన్ వేసుకున్నారు," అని ఇన్ఫర్మేషన్ అండ్ పబ్లిక్ రిలేషన్స్ డిపార్ట్మెంట్ ట్వీట్ చేసింది.
ఈ వ్యాక్సినేషన్ ప్రక్రియ రెండు వారాల నుంచి జరుగుతున్నట్లు శ్రక్వారా పీహెచ్సీ వైద్యాధికారిణి డాక్టర్. తజాముల్ మాలిక్ తెలిపారు. బామ్మ ఆరోగ్యం బాగానే ఉందని పేర్కొన్నారు. అందరూ వ్యాక్సిన్ తీసుకోవాలని సూచించారు.
ఇదీ చదవండి:టీకా తీసుకుంటే బైక్, బిర్యానీ, బంగారం!
