Prathidwani విపక్షాలను వేధించే అస్త్రంగా ఈడీ మారిందన్న విమర్శలెందుకు

ఎన్‌ఫోర్స్‌మెంట్ డైరెక్టరేట్‌కు విస్తృత అధికారాలపై భిన్నాభిప్రాయాలు వ్యక్తం అవుతున్నాయి. నగదు అక్రమ చెలామణి నిరోధక చట్టం ప్రకారం నిందితులకు ఎలాంటి సమాచారం లేకుండానే అరెస్టు చేసే అధికారం ఈడీకి ఉన్నట్లు ఇటీవల సుప్రీంకోర్టు స్పష్టం చేసింది. ఈ తీర్పుపై న్యాయ కోవిధులు భిన్నంగా స్పందించారు. ఇది రాజ్యాంగం కల్పించిన హక్కులను ఉల్లంఘించినట్లేనని వ్యాఖ్యానించారు. మరోవైపు ఈడీకి విస్తృత అధికారాలపై సుప్రీం తీర్పును సమీక్షించాలని సర్వోన్నత న్యాయస్థానంలో దాఖలైన పిటషన్‌ విచారణకు సీజేఐ ధర్మాసనం అంగీకరించింది. ఈ నేపథ్యంలో అసలు ఈడీ విధులు, అధికారాల పరిధి ఏంటి. ఈడీ విపక్షాలను వేధించే అస్త్రంగా మారిందన్న విమర్శలు ఎందుకొస్తున్నాయి. దేశంలో దర్యాప్తు సంస్థలు స్వతంత్రంగా పనిచేసే వాతావరణం ఎప్పుడొస్తుంది అనే అంశాలపై ఈ రోజు ప్రతిధ్వని.