Thefts to Using MLA sticker: "నేను మంత్రి తమ్ముడిని.. డబ్బులు ఇస్తావా.. నీ అంతు చూడమంటావా?"

Thefts to Using MLA Sticker : సంక్షేమ శాఖ మంత్రి చెల్లుబోయిన వేణుగోపాలకృష్ణ తమ్ముడిని అని చెప్పుకుంటూ  దౌర్జన్యాలకి పాల్పడుతున్న దొంగల శ్రీధర్‌ అనే వ్యక్తిని హనుమాన్‌ జంక్షన్‌ పోలీసులు అరెస్ట్‌ చేశారు. కృష్ణా జిల్లా తేలప్రోలు గ్రామానికి  చెందిన తొందూరు శామ్యూల్.. హనుమాన్ జంక్షన్​లోని కాకానిబాబు సంతలో పశువుల వ్యాపారం చేస్తున్నాడు. కొంతకాలం క్రితం దొంగల శ్రీధర్‌ అనే వ్యక్తి మంత్రి చెల్లుబోయిన వేణుగోపాలకృష్ణ తమ్ముడిని అని శామ్యుల్‌కి పరిచయం అయ్యాడు. కారుపై ఎమ్మెల్యే స్టిక్కర్‌ (Cattle Business with MLA Sticker on Car ) వేసుకుని పశువుల వ్యాపారం చేద్దాం అని నమ్మించి మోసపూరితంగా శామ్యుల్‌ నుంచి పది వేల రూపాయలు తీసుకున్నాడు. తరచూ వచ్చి డబ్బులు అడుగుతుండటంతో శామ్యుల్‌ నిరాకరించాడు. ఈ నెల 25న వేలేరు వద్ద శామ్యుల్​ని అడ్డగించిన శ్రీధర్‌.. మినిష్టర్‌ తమ్ముడిని అని చెప్పినా డబ్బు ఇవ్వడం లేదు. నీ అంతు చూస్తానంటూ బెదిరించాడు. శామ్యుల్‌ ఫిర్యాదుతో దర్యాప్తు చేసిన పోలీసులు అతనిపై కేసు నమోదు చేసి అరెస్టు చేశారు. శ్రీధర్​ను రిమాండ్ నిమ్మితం నూజివీడు కోర్ట్​లో హాజరు పరిచారు.  అతనిపై గతంలోను పలు రకాల కేసులు, కిర్లంపూడి పోలీస్ స్టేషన్​లో రౌడీషీట్‌ ఉన్నట్లు గుర్తించారు.