"మెనూ ప్రకారం భోజనం లేదు.. అడిగినందుకు వార్డెన్​ మోకాళ్లపై నడిపిస్తోంది"

Govada BC Girls Hostel : మెనూ ప్రకారం భోజనం ఏదని ప్రశ్నినందుకు కొడుతున్నారు. రాగి జావ అందించలేదని అడిగినందుకు మోకాళ్లపై నడిపిస్తున్నారు. అంతే కాకుండా వార్డెన్​ వారిని ఇబ్బందులకు గురి చేస్తోందని.. అనకాపల్లి జిల్లా గోవాడ బీసీ బాలికల వసతి గృహంలోని విద్యార్థినిలు ఆవేదన వ్యక్తం చేస్తున్నారు. మెనూ ప్రకారం భోజనం పెట్టటం లేదని అన్నారు. రోజు బంగాళదుంప కూర వడ్డిస్తున్నారని, అన్నంలో పురుగులు ఉంటున్నాయని, హాస్టల్​ అందించే బిర్యాని ముద్దగా ఉంటోందని తెలిపారు. గోధుమ పిండిలో పురుగులు ఉంటున్నాయని వివరించారు. ఇదేంటని వార్డెన్​ను అడిగితే వారిపై వార్డెన్ దురుసుగా ప్రవర్తిస్తోందని.. చిత్రహింసలకు గురి చేస్తోందని ఆరోపించారు. 

ఈ విషయం తెలుసుకున్న​ బాలికల తల్లిదండ్రులు వసతి గృహానికి వచ్చి.. వార్డెన్​ను నిలదీశారు. దీంతో ఆమె వారికి వివరణ ఇస్తూ.. మెనూ ప్రకారమే హస్టల్​లో భోజనం అందిస్తున్నామని తెలిపారు. మెనూ పక్కగా అమలు చేస్తున్నామని అన్నారు. ఎటువంటి ఇబ్బందులు లేకుండా బాగానే చూసుకుంటున్నామని వివరించారు. వార్డెన్​ తీరుపై ఉన్నాతాధికారులకు ఫిర్యాదు చేస్తామని బాలికల తల్లిదండ్రులు తెలిపారు.