వంతెనపై ఆగిన రైలు.. సీఆర్పీఎఫ్ కానిస్టేబుల్ చాకచక్యంతో

CRPF constable repaired: తిరుపతి జిల్లా తడ మండలం కొండూరు కాళంగి నది వంతెనపై... హైదరాబాద్ నుంచి చెన్నై వెళ్లే ఎక్స్​ప్రెస్​ రైలు ఆగిపోయింది. రైలు వంతెనపై వెళ్తున్న సమయంలో.. ట్రైన్​లో ప్రయాణిస్తున్న  ఓ ప్రయాణికుడు చైన్ లాగటంతో రైలు అక్కడే నిలిచిపోయింది. వంతెన మీద ఉన్న రైలు ముందుకు కదలాలంటే ఎయిర్ వాల్ మూత వేస్తేనే ఆ రైలు ముందుకు వెళ్తుంది. అదే సమయంలో ఆ వంతెనపై ఇతర ట్రైన్స్ వస్తాయేమో అంటూ ప్రయాణికులు ఆందోళన చెందుతున్న నేపథ్యంలో.. వంతెనపై బోగి వద్దకు వెళ్లలేని పరిస్థితిలో.. ఎయిర్ వాల్ మూత వేసేందుకు ఎస్కార్ట్ విధుల్లో ఉన్న ఓ సీఆర్పీఎఫ్  కానిస్టేబుల్ చాకచక్యంగా వ్యవహరించారు. వంతెన కింద మరమ్మతులు చేస్తున్న ప్రొక్లెయిన్​ డ్రైవర్ సాయంతో కానిస్టేబుల్ వంతెనపైకి ఎక్కి ఎయిర్ వాల్ మూత బిగించారు. కానిస్టేబుల్ చొరవతో 22 నిమిషాల వ్యవధిలోనే రైలు ముందుకు కదిలింది.  రైలు ముందుకు కదలడంతో అంతా ఊపిరి పీల్చుకున్నారు. ఉన్నతాధికారులు సీఆర్పీఎఫ్  కానిస్టేబుల్ రాహుల్​ను అభినందించారు.