నా మీద నాకే అసంతృప్తి ఉంది - రాప్తాడుకు ఎంతో చేయాలనుకున్నా : ఎమ్మెల్యే తోపుదుర్తి ప్రకాశ్​

Raptadu MLA Prakash Reddy Sensational Comments: నియోజకవర్గాన్ని తాము అనుకున్న రీతిలో అభివృద్ధి చేయలేకపోతున్నానని అధికార పార్టీ వైసీపీ ఎమ్మెల్యే మాటలు సంచలనంగా మారాయి. తాము ఊహించిన రీతిలో అభివృద్ధి చేయలేకపోతున్నామని, తీవ్ర అసంతృప్తిలో ఉన్నానని ఆయన అసహనం వ్యక్తం చేశారు.    

అనంతపురం జిల్లాలోని రాప్తాడు ఎమ్మెల్యే తోపుదుర్తి ప్రకాశ్​ రెడ్డి వైసీపీ నుంచి పోటి చేసి విజయం సాధించారు. అయితే, నియోజకవర్గంలో  ఎన్నో పనులు చేయాలని అనుకున్నా చేయలేకపోతున్నానని ఆయన అన్నారు. నియోజకవర్గాన్ని అభివృద్ధి చేయలేకపోతున్నానని, నిజం చెప్పాలంటే తనపై తనకే అసంతృప్తి ఉందని ఆయన వ్యాఖ్యానించారు. వైసీపీలో ఎమ్మెల్యేల సీట్ల మార్పులపై ఎమ్మెల్యే ప్రకాశ్​ రెడ్డి స్పందిస్తూ, రాబోయే ఎన్నికల్లో తాను రాప్తాడు నియోజకవర్గం నుంచే పోటీ చేస్తానని ప్రకటించారు. తన పూర్వీకుల నుంచి రాప్తాడు నియోజకవర్గంలోనే ఉంటున్నామని, తానూ అక్కడే ఉంటానని ఆయన వివరించారు. కచ్చితంగా రాప్తాడు నియోజకవర్గం నుంచే పోటీ చేసి శాసన సభకు వెళ్తానని ఆయన జోస్యం చెప్పారు.