PROTEST: ఎమ్మెల్యే సుధాకర్​కు నిరసన సెగ.. అడ్డుకున్న యువకులు

YCP MLA GADAPA GADAPAKU MANA PRABHUTHVAM PROGRAM: గడప గడపకు మన ప్రభుత్వం కార్యక్రమంలో భాగంగా ఇంటింటికి వెళ్లిన వైసీపీ ప్రజా ప్రతినిధులకు నిరసన సెగ తప్పటం లేదు. ప్రతి నియోజకవర్గంలో ఏ గ్రామంలో అడుగు పెట్టినా సమస్యలే స్వాగతం పలుకుతున్నాయి. ఇదే రీతిలో కర్నూలు జిల్లా కోడుమూరులో గడప గడపకు మన ప్రభుత్వం కార్యక్రమంలో పాల్గొన్న ఎమ్మెల్యే జరదొడ్డి సుధాకర్​కు కూడా ఇదే పరిస్థితి ఎదురైంది. గ్రామంలో రోడ్లు వేయలేదని ఎమ్మెల్యేను యువకులు అడ్డుకుని ప్రశ్నల వర్షాన్ని కురిపించారు. చిన్న బోయవీధిలో భూమిపూజ చేసి 4 ఏళ్లు గడుస్తున్నా.. రోడ్లు మాత్రం ఎందుకు వేయలేదని గ్రామస్థులు ఎమ్మెల్యేను నిలదీశారు. అంతేకాక తమకు ఎక్కడ నచ్చితే అక్కడ మాత్రమే రోడ్లు వేస్తున్నారని కాలనీ వాసులు ఎమ్మెల్యేపై ఆగ్రహం వ్యక్తం చేశారు. దీంతో ఎమ్మెల్యే వారికి సర్దిచెప్పేందుకు ప్రయత్నించారు. అయినా గానీ గ్రామస్థులు ఆయన మాట వినకుండా.. నిరసన వ్యక్తం చేశారు.