Person Cheats People of Worth of Rs 7 Crores in Anantapur: అనంతలో చిట్టీల పేరుతో మోసం.. రూ.7 కోట్లకు కుచ్చుటోపి

Person Cheats People of Worth of Rs 7 Crores in Anantapur: చిట్టీల పేరుతో అనంతపురంలో ఓ వ్యక్తి కోట్ల రూపాయలకు కుచ్చుటోపి పెట్టాడు. రామాంజనేయులు అనే వ్యక్తి చిట్టీల పేరుతో తమను మోసం చేశాడంటూ బాధితులు జిల్లా ఎస్పీకి ఫిర్యాదు చేశారు. అనంతపురం నగరంలోని ఓ ప్రైవేటు ఆసుపత్రిలో ల్యాబ్ టెక్నీషియన్​గా పని చేస్తున్న రామాంజనేయులు చిట్టీల పేరుతో వసూలు చేసి, డబ్బులు ఇవ్వకుండా ఇబ్బందులకు గురి చేస్తున్నాడని బాధితులు ఆరోపించారు.  

గార్లదిన్నె మండలం ఎర్రగుంట్ల గ్రామానికి చెందిన రామాంజనేయులు ల్యాబ్ టెక్నీషియన్​గా పనిచేస్తూ.. ఆసుపత్రికి వస్తున్న రోగుల బంధువులను పరిచయం చేసుకుని వారి నుంచి చిట్టీలు వేయించడం ప్రారంభించాడు. ఇలా దాదాపు 200 మంది నుంచి చిట్టీలు వసూలు చేశాడని బాధితులు ఆరోపిస్తున్నారు. రూ.6 నుంచి 7 కోట్ల వరకు చిట్టీల డబ్బులు బాధితులకు ఇవ్వాల్సి ఉందని తమకు తెలిసిందన్నారు. జిల్లా ఎస్పీ ప్రత్యేక చొరవ తీసుకొని తమ డబ్బులు ఇప్పించేలా చర్యలు తీసుకోవాలని ఎస్పీని కోరినట్లు బాధితులు తెలిపారు.