Pawan Kalyan Varahi Tour : వారాహి యాత్రకు సర్వం సిద్ధం.. సాయంత్రం అన్నవరం నుంచి వారాహియాత్ర

Pawan Kalyan Varahi Yatra: జనసేన అధినేత పవన్​కల్యాణ్​ రాబోయే ఎన్నికలకు సమయత్తమవుతున్నారు. ముందు నుంచి చెప్తునట్టుగానే ఆయన వారాహి యాత్రను ప్రారంభించబోతున్నారు. వారాహి యాత్ర కోసం సర్వం సిద్ధమైంది. పవన్​ ఈ యాత్ర ప్రారంభంతో ఎన్నికల ప్రచార శంఖారావం పూరించబోతున్నారు. ఈ రోజు ఉదయం అన్నవరంలోని సత్యనారాయణ స్వామిని ఆయన దర్శించుకున్నారు. తర్వాత వేద పండితులు నిర్వహించిన ప్రత్యేక పూజల్లో పాల్గొన్నారు. అనంతరం వారాహి వాహనానికి పూజలు నిర్వహించారు. ఈ రోజు అన్నవరం నుంచే యాత్రను మొదలుపెట్టనున్న పవన్​.. సాయంత్రం అన్నవరం నుంచి కత్తిపూడి సభకు వెళ్లనున్నారు. కత్తిపూడిలో జనసేన భారీ బహిరంగసభను నిర్వహించనుండగా.. జనసేనాని ఈ సభలో పాల్గొననున్నారు. ఎన్నికల ప్రచారం సందర్భంగా జనసేన నిర్వహిస్తున్న తొలి బహిరంగ సభ.. కత్తిపూడి బహిరంగ సభ. పవన్​ రాజకీయాల్లో చురుకుగా పాల్గొనటమే కాకుండా.. సినిమాల్లోనూ పాల్గొననున్నారు. అయితే పవన్​ నటిస్తున్న సినిమాలను నిర్మిస్తున్న దాదాపు ఏపీలోనే షూటింగ్​ నిర్వహించనున్నారు. దీనికి దర్శక, నిర్మాతలు కూడా అంగీకారించారు.