Nara Lokesh Reacted on CM Jagan Bail: "జగన్​మోహన్​ రెడ్డికి​ బెయిల్​ డే పదో వార్షికోత్సవ శుభాకాంక్షలు"

Nara Lokesh Reacted on CM Jagan Bail: ముఖ్యమంత్రి జగన్​మోహన్​ రెడ్డికి​ బెయిల్​ డే పదో వార్షికోత్సవ శుభాకాంక్షలు అంటూ.. టీడీపీ జాతీయ ప్రధాన కార్యదర్శి నారా లోకేశ్ వ్యంగ్యంగా స్పందించారు. జగన్​ రెడ్డి 42వేల కోట్ల రూపాయల ప్రజాధనం దోచేసి.. సీబీఐ - ఈడీ పెట్టిన 38 కేసుల్లో A1 గా ఉన్నారని ఆరోపించారు. ఇన్నీ కేసుల ఆరోపణలున్నా.. పదేళ్లుగా బెయిల్​పై ఉన్న ఆర్థిక ఉగ్రవాది జైలు మోహన్​ ప్రజాస్వామ్య వ్యవస్థలను ధ్వంసం చేస్తూరని మండిపడ్డారు. రాజ్యంగాన్ని కాలరాస్తూ నీతిమంతుల్ని జైలుకు పంపుతున్నాడని దుయ్యబట్టారు. జైలులో ఉండాల్సిన జగన్​ పది సంవత్సరాలుగా బెయిల్​పై ఉంటే.. ప్రజలలో ఉండాల్సిన నిజాయితీపరుడు సీబీఎన్​ జైలులో ఉన్నారంటూ లోకేశ్​ ఆరోపించారు. 

కోర్టు బెయిల్​పై దర్జాగా జీవీస్తూ.. బెయిల్​ కాలాన్ని10 సంవత్సరాలు పూర్తి చేసుకున్న ముఖ్యమంత్రి పట్టరాని ఆనందంతో పదో బెయిల్​ వార్షికోత్సవం జరుపుకుంటున్నారని టీడీపీ అధికార ప్రతినిధి కొమ్మారెడ్డి పట్టాభిరామ్​ అన్నారు. జగన్​ రెడ్డి సాధించిన ఈ గొప్ప ఘనతను గుర్తించి.. ఎక్కువ కాలం బెయిల్​పై జీవించిన వ్యక్తిగా.. ఆయనకు ఓ రికార్డ్​ ఇవ్వాలని వ్యంగ్యంగా స్పందించారు. అంతేకాకుండా ఇండియా బుక్​ ఆఫ్​ రికార్డ్​ వారికి మెయిల్​ పెట్టినట్లు వివరించారు.