Nara Lokesh Fired On YSRCP: చంద్రబాబును నిర్బంధించామని వైసీపీ సైకోల ఆనందం.. ప్రజల నుంచి దూరం చేయలేరన్నదే నిజం : నారా లోకేశ్

Nara Lokesh Fired On YSRCP: టీడీపీ అధినేత చంద్రబాబును అరెస్టు చేసి.. తెలుగుదేశం పార్టీని దెబ్బకొట్టామని వైసీపీ సైకోలు భావిస్తున్నారని టీడీపీ జాతీయ ప్రధాన కార్యదర్శి నారా లోకేశ్​ ధ్వజమెత్తారు. కానీ, చంద్రబాబును ఈ నిర్బంధాలు ప్రజల నుంచి దూరం చేయలేవని తన తల్లి భువనేశ్వరి చెప్తోందని లోకేశ్​ వివరించారు. చివరకు నిజం గెలిచే తీరుంతుందని.. చంద్రబాబు మరింత ప్రభావంతంగా ప్రజల కోసం-రాష్ట్ర ప్రగతి కోసం పనిచేస్తారని భువనేశ్వరి మాటల్లో స్పష్టం అవుతోందని అన్నారు. 

కర్ణాటక రోడ్డు ప్రమాదంపై స్పందించిన లోకేశ్​: ఉపాధి కోసం పొట్ట చేతపట్టుకుని వలస వెళ్లిన శ్రీ సత్యసాయి జిల్లా గోరంట్లకు చెందిన కూలీల రోడ్డు ప్రమాదంపై లోకేశ్​ స్పందించారు. వలస కూలీలు మార్గమధ్యలో రోడ్డు ప్రమాదానికి గురై మరణించడం తీవ్రంగా కలచివేసిందని లోకేశ్​ ఆవేదన వ్యక్తం చేశారు. మృతిచెందిన వారంతా రెక్కాడితే గానీ డొక్కాడని కూలీలే కావడం బాధకరమని అన్నారు. మృతుల కుటుంబాలకు సానుభూతి తెలియజేశారు. రాష్ట్ర ప్రభుత్వం మృతుల కుటుంబాలను ఆదుకోవాలని కోరారు. అయితే గోరంట్ల నుంచి కర్ణాటకకు 15మంది వలస కూలీలు ఓ కారులో బయల్దేరగా.. అది కర్ణాటకలోని చిక్‌బళ్లాపూర్‌ సమీపానికి రాగానే ఆగి ఉన్న ట్యాంకర్​ను వేగంగా ఢీ కొట్టింది. ఈ ప్రమాదంలో 12మంది ప్రాణాలు కోల్పోగా.. కర్ణాటక రాష్ట్ర ప్రభుత్వం పరిహారం ప్రకటించింది.