Janasena Leaders Complaint about pawan security: పవన్ భద్రతపై జనసేన నేతల ఆందోళన... పోలీసులకు ఫిర్యాదు

Janasena Leaders Complaint about pawan security: జనసేన అధినేత పవన్ కల్యాణ్ భద్రతపై ఆ పార్టీ నాయకులు గుంటూరు జిల్లా మంగళగిరి పోలీసులకు ఫిర్యాదు చేశారు. సోమవారం రాత్రి హైదరాబాద్ నుంచి మంగళగిరి పార్టీ కార్యాలయానికి పవన్ కల్యాణ్  వచ్చారు. అదే రోజు రాత్రి పవన్ కల్యాణ్  తన కార్యాలయంలోనే బస చేశారు. రాత్రి సమయంలో జనసేన పార్టీ కార్యాలయం పై డ్రోన్ చక్కర్లు కొట్టింది. సుమారు పది నిమిషాల పాటు జనసేన పార్టీ కార్యాలయం పైనే తిరిగినట్లు ఆ పార్టీ నేతలు చెప్పారు. 

దీంతో ఆందోళనకు గురైన జనసేన నాయకులు చిల్లపల్లి శ్రీనివాస్, లీగల్ టీమ్ సభ్యులు బుధవారం మంగళగిరి పోలీసులకు ఫిర్యాదు చేశారు. జనసేన పార్టీ కార్యాలయం పై డ్రోన్ ఎగరవేసిన వ్యక్తులను గుర్తించి కఠినంగా శిక్షించాలని పోలీసులకు ఇచ్చిన ఫిర్యాదులో పేర్కొన్నారు. గతంలో సైతం పవన్ కల్యాణ్ ఇంటి ముందు కొందరు దుండగులు హల్ చల్ చేసిన విషయం తెలిసిందే.. తాజాగా జనసేన ఫిర్యాదుపై పోలీసులు చర్యలు చేపట్టనున్నారు. డ్రోన్ వినియోగించిన వారి వివరాలను తెలుసుకునే ప్రయత్నం చేస్తున్నట్లు పోలీసులు వెల్లడించారు.