Idols Found In Pit: తాగునీటి కోసం గుంత.. బయటపడిన పురాతన విగ్రహాలు
![ETV Thumbnail thumbnail](https://etvbharatimages.akamaized.net/etvbharat/prod-images/14-07-2023/640-480-18998415-686-18998415-1689335982421.jpg)
Idols Found In Pit Guntakal: తాగునీటి పైపులైన్ కోసం మున్సిపాలిటీ అధికారులు గుంత తవ్వడం వల్ల సీతారాముల విగ్రహాలు లభ్యమైన ఘటన అనంతపురం జిల్లా గుంతకల్లులో జరిగింది. ఈ అంశం స్థానికంగా చర్చనీయాంశమైంది. పురాతన కాలం నాటి ఓ రాతిబండపై శ్రీ సీతారాముల ప్రతిమల రూపాలు చెక్కి ఉన్నాయి. ఈ ప్రతిమల గురించి తెలుసుకున్న స్థానికులు ఆ విగ్రహన్ని దర్శించుకునేందుకు భారీగా తరలి వస్తున్నారు. ఈ విగ్రహం సుమారు 1500 సంవత్సరాల కిందట అయి ఉంటుందని స్థానికులు భావిస్తున్నారు. తవ్వకాల్లో లభ్యమైన ఈ సీతారాముల ప్రతిమలకు స్థానికులు నీళ్లు పోసి వారి మెుక్కులను చెల్లించుకుంటున్నారు. ఈ విగ్రహాన్ని పురావస్తు, రెవెన్యూశాఖ అధికారులు స్వాధీనం చేసుకుని, ఈ ప్రతిమ వయస్సు ఎంత ఉంటుందో నిర్థారించాలని స్థానికులు డిమాండ్ చేశారు. ఈ విగ్రహం దొరికిన చోట పురాతన కాలంలో ఏదైనా ఆలయం ఉండి ఉండవచ్చునని స్థానికులు భావిస్తున్నారు. దీనిపై పురావస్తు శాఖ వారు పరిశోధనలు నిర్వహించాలని ఆ ప్రాంతం వారు కోరుతున్నారు.