సంక్రాంతి హవా రద్దీగా మారిన రహదారులు - కీసర టోల్ ప్లాజా వద్ద కిక్కిరిసిన వాహనాలు

Heavy Traffic on Vijayawada-Hyderabad National Highway: తెలుగువారు ఎక్కుగా జరుపుకునే సంక్రాంతి పండగ రానే వచ్చింది. ఈ క్రమంలో ఆంధ్ర ప్రజలు ప్రపంచంలో ప్రదేశంలో ఉన్నా సరే సంక్రాంతికి తమ స్వస్థలాలకు చేరుకుంటారు. చిన్నా పెద్దా అంతా కలిసి పిండివంటలు, ఆటపాటలతో ఉత్సాహంగా కుటుంబంతో కలిసి సంక్రాంతి పండగను జరుపుకుంటారు.

ఈ నేపథ్యంలో సంక్రాంతి పండగ సందర్భంగా హైదరాబాద్ నుంచి వచ్చే వాహనాలతో విజయవాడ-హైదరాబాద్ జాతీయ రహదారి రద్దీగా మారింది. ఎన్టీఆర్ జిల్లా కంచికచర్ల మండలం కీసర టోల్ ప్లాజా వద్ద వాహనాలు ఎక్కువ సమయం ఆగాల్సి వస్తుంది. ఈ రోజూ ఇప్పటికే 13 వేల వాహనాలు టోల్ గేట్ నుంచి విజయవాడ వైపు వెళ్తాయని సిబ్బంది అంచనా వేశారు. ఈ క్రమంలో టోల్ ప్లాజా వద్ద విజయవాడ వైపు వెళ్లేందుకు ఐదు లైన్లు ఏర్పాటు చేశారు. ఐదు లైన్లు ఉన్నప్పటికీ హైదరాబాద్ నుంచి వచ్చే వాహనాల సంఖ్య ఎక్కువగా ఉండటంతో టోల్​గేట్​ దాటడానికి ఎక్కువ సమయం పడుతుంది. పోలీసులు టోల్ గేట్ వద్దనే ఉండి ట్రాఫిక్ ను పర్యవేక్షిస్తున్నారు.