Grand Welcome to Lokesh in Gurazala Constituency: గురజాలలో నారా లోకేశ్..​ యువగళం పాదయాత్రకు ఘన స్వాగతం

Grand Welcome to Lokesh in Gurazala Constituency: టీడీపీ జాతీయ ప్రధాన కార్యదర్శి నారా లోకేశ్ యువగళం పాదయాత్ర గురజాల నియోజకవర్గంలో దుమ్మురేపుతోంది. అడుగడుగునా లోకేశ్​కు ప్రజలు బ్రహ్మరథం పడుతున్నారు. లోకేశ్​ను కలిసి.. అరాచక పాలనలో తమ సమస్యలను చెప్పుకునేందుకు భారీగా జనం పోటెత్తుతున్నారు. దీంతో రహదారులు అన్నీ కిక్కిరిసిపోతున్నాయి. 178వ రోజు పాదయాత్రను జూలకల్లు నుంచి లోకేశ్ ప్రారంభించారు. మాజీ ఎమ్మెల్యే యరపతినేని ఆధ్వర్యంలో.. 101 కలశాలతో మహిళలు, వేదపండితులు లోకేశ్​కు స్వాగతం పలికారు. సంప్రదాయ డప్పులు, థింసా నృత్యాలు, కేరళ వాయిద్యాలు, ఒంటెలు, అశ్వాలతో నారా లోకేశ్​కు అపూర్వ స్వాగతం లభించింది. బాణసంచా మోతలు, పార్టీ కార్యకర్తల కేరింతల నడుమ ఉత్సాహంగా యాత్ర కొనసాగుతోంది. దారి పొడవునా మహళలు.. లోకేశ్​కు హారతులిస్తూ నీరాజనాలు పలుకుతున్నారు. ధరల పెరుగుదల, అరాచక పాలనతో అవస్థలు పడుతున్నామని గురజాల ప్రజలు లోకేశ్​కు తమ కష్టాలు తెలిపారు. రాబోయే చంద్రన్న ప్రభుత్వం అందరి కష్టాలు తీరుస్తుందని భరోసానిస్తూ నారా లోకేశ్ ముందుకు సాగుతున్నారు.