Former MLA Lost Consciousness in Police Attack: వైఎస్సార్ జిల్లాలో ఉద్రిక్తత.. పోలీసుల దాడిలో స్పృహ కోల్పోయిన మాజీ ఎమ్మెల్యే

Former MLA Varadarajula Reddy Protested With his Followers: తెలుగుదేశం అధినేత చంద్రబాబు అరెస్టును నిరసిస్తూ తెలుగుదేశం నేతలు (TDP Leaders Protest in AP) రాష్ట్రబంద్‌కు పిలుపునిచ్చిన నేపథ్యంలో.. టీడీపీ నాయకులు, కార్యకర్తలు ఎక్కడికక్కడ రోడ్డెక్కి నిరసన తెలుపుతున్నారు. జిల్లాల్లోని ఆర్టీసీ బస్టాండ్లు, పలు కూడళ్లలో ఆందోళనకు దిగారు. ఆందోళనకారులను పోలీసులు అదుపులోకి తీసుకుని స్టేషన్​కు తరలిస్తున్నారు. పోలీసుల వ్యవహరిస్తున్న తీరుపై టీడీపీ నాయకులు, కార్యకర్తలు ఆగ్రహం వ్యక్తం చేస్తున్నారు. ఈ క్రమంలో వైఎస్సార్ జిల్లా ప్రొద్దుటూరులో ఉద్రిక్తత చోటు చేసుకుంది. చంద్రబాబు అరెస్టుకు (Chandrababu Arrest) నిరసనగా మాజీ ఎమ్మెల్యే వరదరాజుల రెడ్డి శివాలయం కూడలిలో తన అనుచరులతో కలిసి ఆందోళనకు దిగారు. పోలీసులు ఆందోళనను అడ్డుకునే ప్రయత్నం చేయడంతో ఉద్రిక్తత చోటుచేసుకుంది. ఈ క్రమంలో పోలీసులుకు, టీడీపీ నాయకులకు మధ్య తోపులాట జరిగింది. దీంతో వరదరాజులు రెడ్డి రోడ్డుపైనే బైఠాయించి ఆందోళన చేశారు. ఈ ఘటనలో వరదరాజులు సొమ్మసిల్లి పడిపోవడంతో ఆయన్ను వాహనంలో ప్రైవేటు ఆసుపత్రికి తరలించారు.