Fishing Harbour: ఫిషింగ్ హార్బర్ అభివృద్దిపై కలెక్టర్​ను కలిసిన మత్స్యకార సంఘాలు

Fishing Harbour: విశాఖ ఫిషింగ్ హార్బర్ అభివృద్ది.. మత్స్యకారులు, బోటు యజమానుల అవసరాలకు అనుగుణంగా కాకుండా వేరే విధంగా జరగడంపై మత్స్యకార సంఘాలు మండిపడుతున్నాయి. ఈ అభివృద్ది పనుల కమిటీకి ఛైర్మన్​గా వ్యవహరిస్తున్న విశాఖ కలెక్టర్​కి తమ అసంతృప్తిని వ్యక్తం చేశారు. తమ డిమాండ్లను కలెక్టర్​కు వివరించాయి. రూ.152 కోట్ల కేంద్ర నిధులతో జరుగుతున్న పనులకు  ప్రజాభిప్రాయ సేకరణ చేయకుండానే పనులు చేస్తున్నారని ఆరోపించారు. రహదారులు, డ్రయినేజి వ్యవస్ధ, మంచి నీటి సౌకర్యం వంటివి అభివృద్ది చేయాలని కలెక్టర్​ను కోరారు. ముందుగా మౌలిక సదుపాయాలు అభివృద్ది చేయకుండా అప్రాధాన్యమైన పనుల కోసం ఈ నిధులను వెచ్చించడం తగదని మత్స్యకార సంఘాలు వెల్లడించాయి. గతంలో చెప్పినట్లు కాకుండా ఇప్పుడు వేరే చోట ఫిషింగ్ హార్బర్​ కట్టిస్తామని చెప్తున్నారని వాపోయారు. గతంలో మాదిరిగా బోట్ల మరమ్మతులు చేసుకోవడానికి అవకాశం లేకుండా పోయింది. మాకు  పోర్టు వాళ్లు, ప్రభుత్వం ఇచ్చిన హామీలు ఈ డీపీఆర్​లో లేవని తెలిపారు. తమకు ఇచ్చిన హామీలను నెరవేర్చాలని డిమాండ్ చేస్తున్నారు.