Fire in Concrete Mixer Lorry: కాంక్రీట్ మిక్సర్​ లారీలో మంటలు.. క్షణాల్లోనే క్యాబిన్​ దగ్ధం

Fire in Concrete Mixer Lorry at Nandigama: ఎన్టీఆర్ జిల్లా విజయవాడ-హైదరాబాద్​ జాతీయ రహదారిపై అగ్ని ప్రమాదం చోటు చేసుకుంది. నందిగామ మండలం కంచికచర్ల వద్ద కాంక్రీట్ మిక్సర్ లారీలో మంటలు వ్యాపించాయి. ఈ ఘటనలో లారీ క్యాబిన్ పూర్తిగా దగ్ధమైంది. విజయవాడ వైపు నుంచి జగ్గయ్యపేట వెళ్తున్న లారీ.. కంచికచర్ల ఫ్లై ఓవర్ వద్దకు రాగానే ఒక్కసారిగా మంటలు వ్యాపించాయి. వెంటనే అప్రమత్తమైన డ్రైవర్​ క్యాబిన్ నుంచి బయటికి దూకేశాడు. స్థానికులు వెంటనే పోలీసులకు సమచారం అందించారు. స్థానిక సీఐ నాగేంద్ర కుమార్, పోలీసులు సంఘటనా స్థలానికి చేరుకొని అగ్నిమాపక కేంద్రానికి సమాచారం ఇచ్చారు. అగ్నిమాపక సిబ్బంది వచ్చి ఫైర్ ఇంజన్​ సహాయంతో మంటలను ఆర్పేశారు. అప్పటికే లారీ క్యాబిన్ మొత్తం దగ్ధమైంది. లారీలో మంటలు వచ్చిన సమయంలో అప్రమత్తమైన పోలీసులు.. అటువైపు వచ్చే వాహనాలను కొంతసేపటి వరకు ఆపారు. ప్రమాదం సమయంలో వాహనదారులు భయాందోళనకు గురయ్యారు.. ఏ క్షణం ఏం జరుగుతుందోనని టెన్షన్​ పడ్డారు.