PRATHIDWANI పరిశ్రమలు తరలిపోవడం ప్రభుత్వ వైఫల్యం కాదా

PRATHIDWANI రాష్ట్రం నుంచి మరో దిగ్గజ కంపెనీ అమర్‌రాజా బ్యాటరీస్‌ పొరుగు రాష్ట్రానికి వెళ్లిపోయింది. ప్రభుత్వం కక్షపూరితంగా వ్యవహరించడం, పొయ్యే దాకా పొగపెట్టడం వల్ల.. చివరకు అమర్‌రాజా కంపెనీ రాష్ట్రాన్ని వీడింది. లాభాల కోసమే ఈ కంపెనీ రాష్ట్రాన్ని వీడిందని ఒక మంత్రి వ్యాఖ్యానిస్తే.. సంస్థ పోవడం కాదు, తామే పొమ్మంటున్నామని ప్రభుత్వంలో మరో ముఖ్యుడు సెలవిస్తారు. పెద్ద కంపెనీలు, భారీ పెట్టుబడులు రాష్ట్రం నుంచి వెళ్లిపోతే జరిగే నష్టంపై స్పష్టమైన అంచనా ఉన్న ఏ ప్రభుత్వమైనా ఇలా నిర్లక్ష్యంగా మాట్లాడుతుందా? ఒక్క అమర్‌ రాజా విషయంలోనే కాదు.. గతంలో లూలూ, ఫాక్స్‌కాన్‌,. జాకీ, రిలయెన్స్‌ జియోలు కూడా ఇలానే రాష్ట్రాన్ని వీడి పోయాయి. పెద్ద కంపెనీలు ఎందుకు ఆంధ్రాను వీడుతున్నాయి? ఈ పరిణామాలతో రాష్ట్రానికి జరుగుతున్న నష్టం ఏంటనే అంశంపై ఈ రోజు ప్రతిధ్వని.