Electrical short circuit: షాపింగ్​ మాల్​లో​ అగ్నిప్రమాదం.. తప్పిన పెను ప్రమాదం

Fire Accident in Shopping Mall: రిలయన్స్ స్మార్ట్​ షాపింగ్ మాల్​లో విద్యుత్ షార్ట్ సర్క్యూట్ వల్ల పవర్ జనరేటర్ కాలిపోయి మంటలు చెలరేగిన ఘటన పల్నాడు జిల్లా వినుకొండలో జరిగింది. నగరంలోని రిలయన్స్ స్మార్ట్​లో పవర్ బ్యాకప్​గా ఉండే పవర్ జనరేటర్​లో విద్యుత్ షార్ట్ సర్క్యూట్ అయ్యి మంటలు చెలరేగడంతో జనరేటర్ పూర్తిగా కాలిపోయింది. దీంతో మాల్​ అంతటా దట్టమైన పొగలు వ్యాపించాయి. చుట్టు పక్కల ప్రజలు రిలయన్స్ స్మార్ట్​ నుంచి ఒక్కసారిగా పొగలు రావడంతో ఆందోళనకు గురయ్యారు. అక్కడే ఉన్న స్థానికులు అగ్నిమాపక సిబ్బందికి సమాచారం అందివ్వగా.. వారు సకాలంలో ఘటనా స్థలానికి చేరుకొని ప్రజలను సురక్షితంగా షాపింగ్ మాల్​ నుంచి బయటకు పంపించి మంటలను ఆర్పే ప్రయత్నం చేశారు. సెల్లార్​లో ఉన్న జనరేటర్​ విలువ రూ 3 లక్షలు ఉంటుందని.. అది పూర్తిగా కాలిపోయిందని సిబ్బంది తెలిపారు. అయితే ఎటువంటి ఈ ప్రమాదంలో ఎటువంటి ప్రాణ నష్టం జరగకపోవడం వల్ల అందరూ ఊపిరి పీల్చుకున్నారు.