శ్రీకాకుళం జిల్లాలో జగన్ పర్యటన-మంచినీటి ప్రాజెక్టు, కిడ్నీ రీసెర్చ్​ సెంటర్ ప్రారంభం

CM Jaganmohan Reddy Will Visit Today In  Srikakulam District: ముఖ్యమంత్రి వైఎస్ జగన్మోహన్ రెడ్డి ఈ రోజు శ్రీకాకుళం జిల్లాలో పర్యటించనున్నారు. ఇచ్చాపురం నియోజకవర్గంలోని కంచిలి మండలం మకరంపురంలో కిడ్నీ బాధితుల కోసం రూ.700 కోట్లతో రెండువేల కిలోలీటర్ల సామర్ధ్యంతో నిర్మించిన సుజలధార ఉద్ధానం మంచినీటి ప్రాజెక్టుని ఆయన ప్రారంభించనున్నారు. పలాసలో నిర్మించిన కిడ్నీ రీసెర్చ్​ సెంటర్, సూపర్ స్పెషాలిటీ ఆస్పత్రులను సీఎం ప్రారంభించనున్నారు. 

అక్కడి నుంచి నేరుగా రైల్వే క్రీడా మైదానంలో ఏర్పాటు చేసిన బహిరంగ సభాస్థలికి చేరుకుని ముఖ్యమంత్రి జగన్ ప్రజలను ఉద్దేశించి మాట్లాడనున్నారు. సీఎం పర్యటన పరిసర ప్రాంతాలలో ఎలాంటి సంఘటనలు జరగకుండా ముందుగానే పోలీసులు బందోబస్తు ఏర్పాటు చేశారు. హెలిప్యాాడ్ నుంచి బందోబస్తుతో బుధవారం నిర్వహించిన సీఎం కాన్వాయ్ ట్రయల్ రన్​ను ఎస్పీ రాధిక పరిశీలించారు. జగన్ పర్యటన ఏర్పాట్లను జిల్లా పరిషత్ చైర్‌ పర్సన్ పిరియా విజయ సాయిరాజ్, ఎమ్మెల్సీ ఎన్‌.రామారావు, కలెక్టర్, వివిధ శాఖల అధికారులతో పరిశీలించారు.