విజయవాడలో ఘనంగా సెమీ క్రిస్మస్‌ వేడుకలు, హాజరైన సీఎం జగన్​

CM Jagan Attended The Semi Christmas Celebrations: విజయవాడ ఇందిరాగాంధీ మున్సిపల్‌ స్టేడియంలో రాష్ట్ర ప్రభుత్వం ఆధ్వర్యంలో సెమీ క్రిస్మస్‌ వేడుకలు ఘనంగా జరిగాయి. ఈ వేడుకలకు ముఖ్యఅతిథిగా సీఎం జగన్‌ హాజరయ్యారు. ఆయనతో పాటు ఈ వేడుకలకు పలువురు మంత్రులు, ఎమ్మెల్యేలు, ఇతర ప్రజా ప్రతినిధులు, పాస్టర్లు హాజరయ్యారు. సెమీ క్రిస్మస్‌ వేడుకల సందర్భంగా క్రైస్తవ మతపెద్దలతో కలిసి సీఎం జగన్‌ కేక్‌ కట్‌ చేశారు. 

Semi Christmas Celebrations In Vijayawada Muncipal Stadium: సెమీ క్రిస్మస్‌ వేడుకల్లో పాల్గొన్న జగన్​కు పాస్టర్లు ప్రార్థన చేసి ఆశీర్వదించారు. అక్కడ ఏర్పాటు చేసిన పశువుల పాకను సందర్శించారు. ఈ సందర్భంగా సీఎం జగన్ మాట్లాడుతూ అందరికీ కిస్మస్ శుభాకాంక్షలు తెలిపారు. శత్రువుల పట్ల క్షమాగుణం కలిగి ఉండాలని ఏసుక్రీస్తు సందేశం ఇచ్చారని ఆయన గుర్తు చేశారు. అనంతరం కొవ్వొత్తులు వెలిగించి సీఎం జగన్ పండగ శుభాకాంక్షలు పేర్కొన్నారు. పలు రంగాల్లో విశేష సేవలందించిన పలువురిని సీఎం సన్మానించారు.