Attack Under Influence of Ganja: గంజాయి మత్తులో ఆకతాయిల వీరంగం.. నడుచుకుంటూ వెళ్తున్న వ్యక్తిపై దాడి

Attack Under Influence of Ganja: విజయవాడలో ఆకతాయిలు గంజాయి మత్తులో రెచ్చిపోయారు. గంజాయి మత్తులో యువకులు చేస్తున్న దాడులపై స్థానికులు ఆందోళన చెందుతున్నారు. విజయవాడ అజిత్ సింగ్ నగర్ దాబాకోట్ల సెంటర్లో కొంత మంది యువకులు వీరంగం సృష్టించారు. ద్విచక్ర వాహనం మీద ముగ్గురు యువకులు వేగంగా వచ్చి సింగ్ నగర్ ఫ్లైఓవర్ టౌన్​లో పోలీస్ స్టేషన్​కు వెళ్లేదారిలో నడుచుకుంటూ వెళుతున్న ఓ యువకుడిపై దాడి చేశారు. దీంతో స్థానికులు ఆ యువకులను అడ్డుకునేందుకు ప్రయత్నం చేయగా అక్కడి నుంచి ద్విచక్రవాహనంపై పరారయ్యారు. ఈ ఘటనలో సదరు యువకుడికి గాయాలయ్యాయి. ఈ గొడవ జరుగుతున్న సమయంలో అక్కడ విధులు నిర్వహిస్తున్న ట్రాఫిక్ పోలీసులు అలా చూస్తూ ఉండిపోయారు. ఇటీవల కాలంలో పోలీసు గస్తీ ముమ్మరమైనప్పటికీ గంజాయి సేవించి రోడ్డు మీద హల్​చల్ చేసే యువకుల సంఖ్య పెరిగిందని.. గంజాయి మత్తులో భయబ్రాంతులకు గురి చేస్తున్నారని స్థానికులు ఆందోళన వ్యక్తం చేస్తున్నారు.