నోటిని శుభ్రంగా ఉంచుకోవడం చాలా ముఖ్యం. ఎందుకంటే మనం తిన్న ఆహారం నోటి నుంచి కడుపులోకి చేరుతుంది. దీనికి మనం ముందుగా చేయాల్సిన పని.. బ్రష్ను ఎప్పటికప్పుడు మార్చడం. అలాగే బ్రష్ను శుభ్రంగా ఉంచుకోవడం. నాణ్యమైన బ్రష్లను ఉపయోగించడం ద్వారా నోటి ఆరోగ్యాన్ని కాపాడుకోవచ్చు. అలాగే బ్రష్ను రోజుకు రెండు సార్లు చేయమని చెబుతున్నారు నిపుణులు.
టూత్ బ్రష్ విషయంలో చాలా మంది నిర్లక్ష్యం ప్రదర్శిస్తుంటారు. నాలుగైదు నెలలకోసారైనా బ్రష్ను మార్చాలి. ముఖ్యంగా అది రంగుమారినా, కుచ్చులు ఊడినా, వంకరపోయినా.. పక్కన పారేయాలి. లేదంటే అవి మన పళ్లకు హానికరంగా మారతాయి. చిగుళ్లను గాయపరుస్తాయి.
దంతాలను శుభ్రం చేసుకునేందుకు ఎలక్ట్రిక్ బ్రష్ను వాడడం మేలు. నాణ్యమైన బ్రష్ను వాడడం వల్ల దంత రక్షణకు మేలని నిపుణలు చెబుతున్నారు. రోజుకు రెండుసార్లు.. కనీసం రెండు నిమిషాలపాటు బ్రష్ చేయాలి. అలాగే బ్రష్ను ప్రతీ మూడు లేదా నాలుగు నెలలకసారి మార్చాలని అమెరికన్ డెంటల్ అసోసియేషన్ (ఏడీఏ) చెబుతోంది.
మీరు ఇప్పుడు వాడుతున్న టూత్ బ్రష్ కొని ఎన్నాళ్ళయిందో గుర్తుందా? అది గుర్తుచేసుకుని మరి మార్చేయడం అవసరం. మార్చాల్సిన సమయం తెలిసేదెలా అంటారా? బ్రష్ను చూస్తే అది తెలిసిపోతుంది. మీ బ్రష్ని మీరు ఒకసారి పరిశీలించండి. దాని కుచ్చులు ఊడినా, వంకరపోయినా బ్రష్ పాడైపోయిందని అర్థం. అప్పుడు బ్రష్ను మార్చేయడం మేలు. బాగా కోసలు వంగిపోయిన బ్రష్.. పళ్ల మధ్య ఇరుక్కున్న ఆహార వ్యర్థాలను బయటకు తీయలేదు. ఆ వ్యర్థాలు రోజుల తరబడి పళ్ల మధ్యనే ఉండిపోతాయి. దీని వల్ల పలు రకాల దంత వ్యాధులు వస్తాయి.
బ్రష్ ఎప్పుడూ నాణ్యమైనదే కొనుగోలు చేసేందుకు ప్రయత్నించాలి. ఓ మూలన పడేసి ఉంచకూడదు. అలా పడేయడం వల్ల బాక్టీరియా చేరే అవకాశం ఎక్కువ. అందుకే బ్రష్ను నిలబెట్టి ఉంచాలని నిపుణులు చెబుతున్నారు. నిజానికి కొన్నిరకాల టూత్ బ్రష్లు కొన్ని కారణాల వల్ల సూక్ష్మజీవులకు అడ్డాగా మారుతుంటాయి. హైడ్రోజన్ పెరాక్సైడ్ లేదా లిజెరిన్ మౌత్ వాష్తో శుభ్రపరిస్తే టూత్ బ్రష్లకు సూక్ష్మజీవుల నుంచి రక్షించుకోవచ్చు.
- బ్రష్ చేసిన తర్వాత శుభ్రంగా కడిగి జాగ్రత్తపరుచుకోవాలి.
- సూక్ష్మజీవులు వ్యాపించని ప్రదేశంలో టూత్ బ్రష్ను భద్రపరచాలి.
- గాలి బాగా తగులుతున్న ప్రదేశంలో బ్రష్ను ఉంచాలి.
- ఒకరు వాడిన బ్రష్ను మరొకరు వాడకూడదు.
నోటి శుభ్రత కోసం..
ఎక్కువమంది సాధారణ టూత్ బ్రష్లను వాడుతుంటారు. అయితే ఎలక్ట్రిక్ టూత్ బ్రష్లను వాడడం మేలని కొందరు నిపుణలు చెబుతున్నారు. ఎందుకంటే వాటితో పంటి శుభ్రత, చిగుళ్ల సంరక్షణ ఎక్కువని అంటున్నారు. దంతక్షయాన్ని కొంతమేర నియంత్రిస్తాయని చెబుతున్నారు.
