మీకు బ్లూ టీ గురించి తెలుసా? బరువు తగ్గి నాజూగ్గా మారిపోతారు!

Blue Tea Health Benefits : మనలో చాలా మందికి ఉదయం నిద్ర లేవగానే టీ తాగడం అలవాటు. రోజూవారి ఛాయ్ గురించి అందరికీ తెలుసు. కానీ.. బ్లూ టీ గురించి మీకు తెలుసా? ఇది చూడ్డానికి మాత్రమే స్పెషల్ కాదు.. దీనివల్ల ఆరోగ్య ప్రయోజనాలు కూడా ఎన్నో ఉన్నాయి. మరి.. మీరు కూడా ట్రై చేస్తారా?

Blue Tea Health Benefits: చాలామందికి పొద్దున లేవగానే టీ తాగనిదే రోజు మొదలు కాదు. గ్రీన్ టీ, జింజర్ టీ, బ్లాక్ టీ, మసాలా టీ అంటూ ఎన్నో వెరైటీలను ఆస్వాదిస్తుంటారు. మరి.. ఈ మధ్య కాలంలో బాగా ట్రెండ్‌ అవుతున్న 'బ్లూ' టీ(Blue Tea) గురించి మీకు తెలుసా? కేవలం టేస్ట్ మాత్రమే కాదు.. దీంతో అంతకు మించిన ఆరోగ్య ప్రయోజనాలు కూడా ఉన్నాయట. మరి.. ఈ Tea ఎలా తయారు చేసుకోవాలి? బ్లూ టీతో కలిగే బెనిఫిట్స్‌ ఏంటి? అన్నది ఇప్పుడు చూద్దాం.

Butterfly Pea Flower Tea Benefits : బ్లూ టీనే బటర్‌ఫ్లై పీ ఫ్లవర్‌ టీ అని కూడా అంటారు. దీనిని శంఖు పువ్వుతో తయారు చేస్తారు. శంఖుపుష్పాన్ని దేవతార్చనలో ఎక్కువగా వాడుతుంటారు. శుంఖుపుష్పాన్ని అపరాజిత, గిరికర్ణిక, దింటెన అనే పేర్లతోనూ పిలుస్తుంటారు. ఈ పుష్పాన్ని పూజలో ఎంత ప్రవిత్రంగా భావిస్తారో ఆయుర్వేదంలోనూ అంతే ప్రత్యేకంగా చూస్తారు. ఆయుర్వేద వైద్యంలో ఎన్నో అనారోగ్యాల చికిత్సకు శంఖుపుష్పాన్ని వాడుతూ ఉంటారు. శంఖుపుష్పాల టీని తరచుగా తీసుకుంటే.. అనేక ఆరోగ్య సమస్యల నుంచి రక్షణ పొందవచ్చని నిపుణులు చెబుతున్నారు. ఈ టీని ఎండిన శంఖుపుష్పాలతో తయారు చేస్తారు. ఈ టీ నీలం రంగులో ప్రత్యేకంగా ఉంటుంది. ఇందులో ఆంథోసైనిన్ సమృద్ధిగా ఉండటం వల్ల చాలా హెల్త్ బెనిఫిట్స్ ఉంటాయి.

• ఈ Teaలో ఫినోలిక్ యాసిడ్, ఫినాలిక్ అమైడ్ యాంటీ ఆక్సిడెంట్ గుణాలు మెండుగా ఉంటాయి. ప్రతిరోజూ ఈ టీ తాగితే రోగ నిరోధక శక్తి పెరుగుతుంది.
• బ్లూ టీ తాగడం వల్ల వాంతులు, వికారం నుంచి ఉపశమనం పొందవచ్చు.
• బ్లూ టీలో ఉంటే యాంటీ గ్లైసటీన్ ప్రాపర్టీస్ వల్ల చర్మం ఆరోగ్యంగా ఉంటుంది. ముడతలు రాకుండా యవ్వనంగా కనిపిస్తారు.
• బ్లూ టీలోని ఆంథోసైనిన్ కారణంగా జుట్టు రాలడం తగ్గుతుంది.
• షుగర్‌ పేషెంట్స్‌ రెగ్యులర్‌ టీ కాకుండా బ్లూ తాగితే మంచిదని డాక్టర్లు సూచిస్తున్నారు.

• అలసట, చికాకుగా ఉన్నప్పుడు ఈ బ్లూ టీ తాగితే వెంటనే ఉపశమనం లభిస్తుంది.
• బ్లూ టీలో కెఫిన్‌ ఉండదు. కాబట్టి రోజుకు రెండుసార్లు అయినా హ్యాపీగా ఈ టీని తీసుకోవచ్చు.
• ఈ టీ బరువు తగ్గడానికి సహాయపడుతుందని అధ్యయనాల్లో తేలింది.
• డిప్రెషన్‌, యాంక్సైటీగా అనిపించినప్పుడు బ్లూ టీ ఓ కప్పు తాగితే వెంటనే మూడ్‌ ఛేంజ్‌ అయ్యి యాక్టివ్‌ అవుతారట.

బ్లూ టీని ఎలా ప్రిపేర్​ చేయాలి (How to Prepare Blue Tea) :

• ఓ గిన్నెలో నీరు తీసుకుని మరిగించాలి.
• ఈ వేడి నీటికి బటర్‌ఫ్లై పీ పౌడర్‌ను కలిపి టీపాట్‌లో పోసుకోవాలి.
• ఓ ఐదు నిమిషాలు ఉంచిన తర్వాత దీనికి తేనె గానీ, చక్కెర గానీ కలిపి తాగాలి. రుచి కోసం కొంత నిమ్మరసం కూడా కలుపుకోవచ్చు.
• కోల్డ్‌ టీ చేసుకోవాలనుకుంటే మరిగించి పక్కన పెట్టిన డికాషన్​కు కొంచెం ఐస్‌ కలిపి ఉంచి అనంతరం సర్వ్‌ చేసుకోవచ్చు.