ఉదయం టిఫెన్​లో ఇవి తిన్నారంటే - ఆరోగ్యం నాశనమైపోతుంది!

Avoid These Foods in Breakfast: ఆరోగ్యంగా ఉండాలంటే.. హెల్దీ ఫుడ్ చాలా ముఖ్యం. ఇలాంటి ఆరోగ్యకరమైన ఆహారం ఉదయం పూట తీసుకోవడం మరింత ముఖ్యం. కానీ.. మెజారిటీ జనాల విషయంలో మాత్రం ఇది రివర్స్​ అవుతూ ఉంటుంది. ఆరోగ్యాన్ని దెబ్బతీసే తిండినే అల్పాహారంగా తీసుకుంటారు. ఇలాటివి తినడం ఏమాత్రం మంచిది కాదని నిపుణులు హెచ్చరిస్తున్నారు!

Avoid These Foods in Breakfast: రోజూ మనం తీసుకునే ఆహారంలో బ్రేక్​ఫాస్ట్​ కీ రోల్​ పోషిస్తుంది. రాత్రి మొత్తం పడుకుని ఉండటం వల్ల ఉదయానికి బాడీ డీహైడ్రేట్​కు గురవుతుంది. దీంతో మార్నింగ్​ ఎనర్జీ గెయిన్​ చేయడానికి టిఫెన్ తినడం అనివార్యం. అయితే.. ప్రస్తుత రోజుల్లో స్కూల్​కు టైమ్​ అవుతోందని పిల్లలు.. ఆఫీసులకు టైమ్​ అవుతోందని పెద్దలు.. బ్రేక్ ​ఫాస్ట్​ స్కిప్​ చేస్తుంటారు. మిగిలినవారంతా దాదాపుగా ఆరోగ్యాన్ని పాడుచేసే ఆహారాన్నే తింటూ ఉంటారు. తద్వారా అనారోగ్యానికి గురవుతుంటారు. అయితే.. ఉదయం తినే ఆహారాల్లో.. కొన్ని అస్సలే తినకూడదని అంటున్నారు నిపుణులు. అవేంటో చూద్దాం.

అత్యంత శుద్ధి చేసిన తృణధాన్యాలు: చాలా తృణధాన్యాలు చక్కెరను కలిగి ఉంటాయి. కొన్ని తృణధాన్యాల్లో సహజంగా షుగర్​ కంటెంట్​ ఉన్నప్పటికీ.. మరికొన్నింటిలో ప్రాసెసింగ్ సమయంలో యాడ్ చేస్తారు. దీనివల్ల బరువు పెరుగుట, దంత క్షయం, ఇతర ఆరోగ్య సమస్యలు వస్తాయి. అంతే కాకుండా రక్తంలో చక్కెర స్థాయిలను వేగంగా పెంచుతాయి. అదే విధంగా, మొక్కజొన్న లేదా ఊక ఫ్లేక్స్ వంటి తియ్యని తృణధాన్యాల్లో కూడా ప్రొటీన్లు తక్కువగా ఉంటాయి. గ్రానోలా వంటి మరింత సహజంగా కనిపించే వాటిలో కూడా చక్కెర ఉంటుంది. దీంతో ఊబకాయం, టైప్ 2 మధుమేహం, గుండె జబ్బులు తలెత్తుతాయి.

పాన్​ కేక్స్​ లేదా వాఫ్ఫల్స్​: పాన్‌కేక్స్, వాఫ్ఫల్స్ చాలా రుచికరంగా ఉంటాయి. అయితే, మార్నింగ్​ టైమ్​లో కావాల్సిన ఎనర్జీని ఇవి ఇవ్వలేవు. ఎందుకంటే వీటిని.. మైదాతో తయారు చేస్తారు. అంతే కాకుండా వాటిని చక్కెర, వెన్న, సిరప్‌లతో తయారు చేయడం వల్ల అధిక కేలరీలు, కొవ్వు కలిగి ఉంటుంది. అలాగే ప్రొటీన్, ఫైబర్ లోపిస్తుంది. వీటి వల్ల సమస్యలు వచ్చే అవకాశం ఉంటుంది తప్పించి ఆరోగ్యానికి అంత మంచివి కావంటున్నారు నిపుణులు.

బటర్డ్ టోస్ట్: ఇది అత్యంత ప్రజాదరణ పొందిన బ్రేక్‌ఫాస్ట్‌లలో ఒకటి. అయినప్పటికీ, ఇందులో ప్రొటీన్ లేకపోవడం వల్ల ఎక్కువ సేపు ఎనర్జిటిక్​గా ఉండలేం. బటర్డ్ టోస్ట్‌లోని కేలరీలలో ఎక్కువ భాగం బ్రెడ్‌లోని పిండి పదార్థాలు, వెన్న నుంచి వచ్చే కొవ్వు నుంచే వస్తుంది. అయితే మీకు బటర్డ్​ టోస్ట్​ తినాలనిపిస్తే.. హోల్ గ్రెయిన్ బ్రెడ్‌ని ఎంచుకుని, గుడ్లు లేదా తురిమిన చికెన్ బ్రెస్ట్ వంటి ప్రోటీన్-రిచ్ టాపింగ్స్‌ని జోడిస్తే బ్రెడ్ అండ్​ బటర్ అప్పుడు బ్రేక్​ఫాస్ట్​కు సూపర్​గా ఉంటుంది. పోషక పదార్ధాలను మరింత పెంచడానికి, టమాటలు, దోసకాయలు లేదా ఆకు కూరలు వంటి ముక్కలు చేసిన కూరగాయలను యాడ్​ చేసుకోవచ్చు.

పూరీ: చాలా మంది ఉదయం బ్రేక్​ఫాస్ట్​లో ఆయిల్​ఫుడ్​ను తీసుకుంటుంటారు. అందులో వడ, పూరీలను ఎక్కువగా తింటారు. ముఖ్యంగా పూరీలను డీప్ ఫ్రై చేయడం వల్ల ఎసిడిటీ, గుండెల్లో మంట వస్తుంది. ఇందులో ప్రొటీన్​ తక్కువ ఉండి.. కేలరీలు అధికంగా ఉంటాయి.

ఫాస్ట్ ఫుడ్: ఈ జనరేషన్​లో ఫాస్ట్​ఫుడ్​ హవా నడుస్తోంది. ఇంట్లో వండుకునే సమయం లేక చాలా మంది ఫాస్ట్​ఫుడ్​లను ప్రిఫర్​ చేస్తున్నారు. అయితే, చాలా ఫాస్ట్ ఫుడ్స్.. శాండ్‌విచ్‌లు లేదా గుడ్లు, బేకన్, సాసేజ్, చీజ్ లేదా హాష్ బ్రౌన్ ప్యాటీతో కూడిన బర్రిటోలు కేలరీలు, కొవ్వు, శుద్ధి చేసిన పిండి పదార్థాలతో నిండి ఉన్నాయి.

చక్కెర, పానియాలు: మోచాస్, ఫ్రాప్పేస్ లేదా కారామెల్ మకియాటోస్ వంటి ప్రత్యేక కాఫీ పానియాలు చక్కెరతో నిండి ఉంటాయి. వాస్తవానికి, కొన్ని పానీయాలు 70 గ్రాముల చక్కెరను కలిగి ఉంటాయి. ఒక్కో సిప్​కు 280 కేలరీలు లేదా అంతకంటే ఎక్కువ మనం శరీరానికి అందుతాయి. ఈ పానీయాలలో ఒకదాన్ని బ్రేక్​ఫాస్ట్​గా తీసుకోవడం వల్ల రక్తంలో చక్కెర స్థాయిలు త్వరగా పెరుగుతాయి. బరువు పెరగడానికి కూడా దారితీస్తాయి.

పరాఠా: పరాఠాలను కూడా చాలా మంది బ్రేక్​ఫాస్ట్​లో తింటుంటారు. అయితే వీటికి దూరంగా ఉండటం మంచిదని నిపుణులు అంటున్నారు. ముఖ్యంగా మైదాతో చేసిన పరాఠాలకు దూరంగా ఉండమంటున్నారు. అవి జీర్ణవ్యవస్థకు హాని కలిగిస్తాయి. దీనికి బదులుగా జొన్నలు, రాగులు, గోధుమలు మొదలైన వాటితో తయారు చేసిన ఆరోగ్యకరమైన పరాఠాలను తినడం బెటర్​. ఇంకా, పరాటాల లోపల నింపడం వల్ల చాలా అనవసరమైన కేలరీలు పెరుగుతాయి. అయితే కూరగాయల నిష్పత్తి ఎల్లప్పుడూ పిండి నిష్పత్తి కంటే ఎక్కువగా ఉండాలి. సాధారణ ఆలూ లేదా పనీర్‌కు బదులుగా, మీరు సోయాబీన్స్, సత్తు (గ్రౌండ్ బ్లాక్ చిక్‌పీస్), బ్రోకలీ, మిశ్రమ కూరగాయలు, టోఫులను ఉపయోగించవచ్చు.

నూడుల్స్: నూడుల్స్ తినేవారు కూడా ఎక్కువే. వీటిని మైదా, నూనెతో తయారు చేస్తారు. ఇందులో క్యాలరీలు కూడా ఎక్కువగా ఉంటాయి. శరీరంలో చెడు కొలెస్ట్రాల్ స్థాయిలను పెంచుతాయి. తద్వారా గుండె సరిగ్గా పనిచేయడంలో సమస్యలను సృష్టిస్తుంది. ఇందులో సోడియం శాతం ఎక్కువగా ఉంటుంది. ఇది తీవ్రమైన, ప్రాణాంతక వ్యాధుల బారిన పడేలా చేస్తుంది. అందువల్ల.. ఉదయం బ్రేక్ ఫాస్ట్​లో ఇవి లేకుండా చూసుకోవాలని.. సాధ్యమైనంత వరకూ దూరంగా ఉండాలని నిపుణులు సూచిస్తున్నారు.