క‌డ‌ప జిల్లా ప్రొద్దుటూరులో ఈ నెల 17న హత్యకు గురైన జంగం శివకుమార్ కేసును పోలీసులు ఛేదించారు. ముగ్గురు నిందితులను అరెస్టు చేశారు. రుద్ర‌వరం మండ‌లం కొటకొండ‌కు చెందిన జంగం శివకుమార్ అనే వ్యక్తి ప్రొద్దుటూరులో ఈ నెల 17న హత్యకు గురైయ్యాడు. మరుసటి రోజు( సెప్టెంబర్ 18 న) కంపచెట్లలో మృత దేహం పోలీసులకు దొరికింది. కేసు న‌మోదు చేసి పోలీసులు ద‌ర్యాప్తు చేప‌ట్టారు. కాగా ఈ కేసులో శివకుమార్ భార్య శిశ‌క‌ళ, ఆమె ప్రియుడు న‌వీన్‌తో పాటు మ‌రో యువ‌కుడిని అరెస్టు చేసి రిమాండుకు త‌ర‌లించారు.
పోలీసులు తెలిపిన వివరాల ప్రకారం..
ప్రొద్దుటూరులోని ఓ హోటల్లో శివకుమార్ భార్య శశికళ పని చేసేది. అయితే అక్క‌డే ప‌నిచేస్తున్న నవీన్ అనే యువకుడితో ఆమెకు పరిచయం ఏర్పడింది. ఆ పరిచయంతో వారిద్దరి మధ్య వివాహేతర సంబంధం ఏర్పడింది. ఇది గమనించిన హోటల్ యజమాని శశికళ, నవీన్ను పనిలో నుంచి తీసేశాడు. దాంతో వారు వేరే హోటల్లో పనికి చేరారు. ఈ క్రమంలో వీరి మధ్య ఉన్న వివాహేతర సంబంధం శశికళ భర్త శివకుమార్కు తెలిసింది. శశికళను, నవీన్ను పలుమార్లు శివకుమార్ హెచ్చరించారు. ఫలితంగా కక్ష పెంచుకున్న శశికళ, నవీన్.. శివకుమార్ను చంపేయాలని నిర్ణయించుకున్నారు. ఈ క్రమంలో 17వ తేదీన నవీన్ మ‌రో యువ‌కుడు బహదూర్ సర్కీ అలియాస్ ష‌మీర్తో కలిసి శివకుమార్కు మ‌ద్యం తాపించారు. మత్తులో ఉన్న శివకుమార్ను వీరిద్దరు బండ‌రాయితో కొట్టి చంపారు. మృతదేహాన్ని ఘటన స్థలానికి కొద్ది దూరంలో పడేశారు.
ఇదీ చదవండి: LIVE SUICIDE: కళ్లెదుటే భార్య ఉరి..ఆపకుండా వీడియో తీసిన భర్త
