బకాయిలు విడుదల చేయండి ...ఆర్టీసీని ఆదుకోండి

ఆర్థికంగా చితికిపోయిన ఆర్టీసీని ప్రభుత్వం ఆదుకోవాలని, సంస్థకి రావాల్సిన బకాయిలను వెంటనే విడుదల చేయాలని కార్మిక సంఘాల నేతలు డిమాండ్​ చేశారు. ఆర్టీసీ పాలకమండలిని భాగస్వామ్యం చేయడమే కాకుండా మంత్రి సమక్షంలో అంగీకరించిన డిమాండ్లను పరిష్కరించకపోతే సమ్మె బాట పడతామని కడప జిల్లా మైదకూరులో జాయింట్​ యాక్షన్​ కమిటీ ఆధ్వర్యంలో ఎంప్లాయిస్​ యూనియన్​ కార్మికుల ధర్నా చేశారు.

కడప జిల్లా మైదుకూరులో జాయింట్​ యాక్ష న్​ కమిటీ ఆధ్వర్యంలో ఎంప్లాయిస్​ యూనియన్​ కార్మికులు ధర్నా చేశారు. ఆర్టీసీని ప్రభుత్వం ఆర్థికంగా ఆదుకోవాలని, ప్రభుత్వం నుంచి రావాల్సిన బకాయిలను వెంటనే విడుదల చేయాలని డిమాండ్​ చేశారు. అద్దె బస్సులు 35 శాతం పెంచాలనే ఆలోచనను విరమించుకోవాలని ... వాటి స్థానంలో ఆర్టీసీ బస్సులను ప్రవేశపెట్టాలన్నారు. అన్ని కేటగిరీల్లో ఖాళీ పోస్టులను రెగ్యూలర్​ పద్ధతిలో నియామకాలు చేపట్టాలని తెలిపారు. ఆర్టీసీ పాలకమండలిలో కార్మిక సంఘాలకు భాగస్వామ్యం కల్పించాలని కోరారు. మంత్రి సమక్షంలో అంగీకరించిన మేరకు అన్ని డిమాండ్లను పరిష్కరించకపోతే సమ్మె చేపట్టాల్సి వస్తుందని హెచ్చరించారు.