ముసలిరెడ్డిపల్లిలో ఎర్రచందనం దుంగలు స్వాధీనం

ఎర్రచందనం దుంగలు తరలిస్తున్న వాహనాన్ని పోలీసులు స్వాధీనం చేసుకున్నారు. చీనికాయల బస్తాల మాటున దుంగలను తరలిస్తుండగా...వాహనం బురదలో చిక్కుకుపోవడంతో స్మగ్లర్లు అక్కడే వదలి పారిపోయారు. స్థానికుల సమాచారంతో ఘటనా స్థలానికి చేరుకున్న పోలీసులు...దుంగలను స్వాధీనం చేసుకున్నారు.

కడప జిల్లా కలసపాడు మండలం ముసలిరెడ్డిపల్లిలో ఎర్రచందనం దుంగలు తరలిస్తున్న వాహనాన్ని పోలీసులు స్వాధీనం చేసుకున్నారు. రాత్రి సమయంలో చీని కాయలు బస్తాల మాటున ఎర్రచందనం దుంగలను తరలిస్తున్న వాహనం బురదలో ఇరుక్కుపోయింది. స్మగ్లర్లు ఉదయాన్నే తీసుకొని పోవచ్చని వెళ్లిపోవడం వల్ల స్థానికులు గమనించి పోలీసులకు సమాచారం ఇచ్చారు. ఎర్రచందనం దుంగలతో పాటు వాహ‌నాన్ని స్వాధీనం చేసుకున్న పోలీసులు.. స్మగ్లర్ల కోసం గాలింపు చర్యలు చేపట్టారు. నిన్న జ్యోతి క్షేత్రం వద్ద 94 ఎర్రచందనం దుంగలు డంపు స్వాధీనం చేసుకున్న ఘటన మరవకముందే మరో ఘటనతో అధికారుల్లో కలకలం రేపుతోంది.