తెదేపా అధినేత చంద్రబాబు జడ్పీటీసీ, ఎంపీటీసీ ఎన్నికలను బహిష్కరించడం విడ్డూరంగా ఉందని.. 40 ఏళ్ల చరిత్ర గల పార్టీ ఎటువంటి పరిస్థితిలో ఉందో అర్థమవుతుందని మాజీమంత్రి, వైకాపా నేత రామసుబ్బారెడ్డి వ్యాఖ్యానించారు. కడప జిల్లా జమ్మలమడుగు వైకాపా కార్యాలయంలో రామసుబ్బారెడ్డి మీడియాతో మాట్లాడారు. జగన్ సంక్షేమ పథకాలకు ప్రజలు పట్టం కట్టారని... ఇటీవల జరిగిన పంచాయతీ, మున్సిపల్ ఎన్నికల్లో విజయం సాధించామని గుర్తు చేశారు. తెదేపా నాయకులకు ఎప్పుడు చూసినా జగన్ని తిట్టడం తప్ప మరో పని లేదని విమర్శించారు.
ఇదీ చదవండీ... 40 ఏళ్ల తెలుగుదేశం రాజకీయ చరిత్రలో ఇదే తొలిసారి..!
