కడప జిల్లా ప్రొద్దుటూరులో బాబుల్రెడ్డి ఆత్మహత్యకు కారణమైన వ్యక్తిని పోలీసులు అరెస్ట్ చేశారు. తన కుమార్తెను అల్లుడు సురేష్ కుమార్ రెడ్డి వేధిస్తున్నాడని పొద్దుటూరుకు చెందిన బాబుల్రెడ్డి ఈ నెల 7న వెంకటాద్రి నగర్లోని ప్లాట్లలో చెట్టుకు ఉరివేసుకుని ఆత్మహత్య చేసుకున్నాడు. తన చావుకు అల్లుడు సురేష్ కారణమని బాబుల్రెడ్డి సెల్ఫీ వీడియో తీసుకుని ఆత్మహత్య చేసుకున్నాడు. ఈ కేసులో సురేష్ కుమార్ రెడ్డిని గ్రామీణ పోలీసులు అరెస్టు చేశారు. సీఐ విశ్వనాథరెడ్డి పోలీస్ స్టేషన్లో ఏర్పాటు చేసిన మీడియా సమావేశంలో వివరాలు వెల్లడించారు.
సురేష్ పెళ్లయిన తర్వాత కూడా అమ్మాయిలతో వివాహేతర సంబంధాలు నడుపుతున్నట్లు వెల్లడించారు. పుట్టింటి నుంచి డబ్బులు తీసుకు రావాలంటూ భార్య శ్వేతను వేధించేవాడని తెలిపారు. అల్లుడు సురేష్ వేధింపులు తాళలేక బాబుల్ రెడ్డి ఆత్మహత్య చేసుకున్నాడు. తండ్రి మృతిని జీర్ణించుకోలేని ఇద్దరు కుమార్తెలు శ్వేత, సాయి ప్రీతి కమలాపురం-ఎర్రగుంట్ల మార్గంలో రైలు కిందపడి ఆత్మహత్య చేసుకున్నారు. ఈ ఘటన కడప జిల్లావ్యాప్తంగా సంచలనం రేపింది. ఒకే కుటుంబంలో ముగ్గురు ఆత్మహత్య చేసుకోవడం విషాదాన్ని నింపింది.
ఇదీ చూడండి. తెల్లవారక ముందే వారి బతుకులు తెల్లారిపోయాయి
