ప్రొద్దుటూరులో ఐదుగురు మ‌ట్కా బీట‌ర్ల అరెస్టు

ప్రొద్దుటూరు నాగేంద్ర‌న‌గ‌ర్‌లోని క‌డ‌ప ప‌బ్లిక్ పాఠ‌శాల వ‌ద్ద మ‌ట్కా ఆడుతున్న ఐదుగురిని పోలీసులు అరెస్ట్​ చేశారు. వీరి వ‌ద్ద నుంచి రూ.1.02 లక్షల న‌గ‌దు, మ‌ట్కా స్లిప్పులు స్వాధీనం చేసుకున్న‌ట్లు సీఐ నాగ‌రాజు తెలిపారు.

కడప పట్టణ ఒకటో ఠాణా పరిధిలో మట్కా బీటర్లను గురువారం పోలీసులు అరెస్ట్​ చేశారు. స్థానిక నాగేంద్రనగర్​లోని కడప పబ్లిక్​ పాఠశాల వద్ద మట్కా నిర్వహిస్తున్నట్లు సమాచారం రావటంతో సీఐ నాగరాజు సిబ్బందితో కలిసి దాడి చేశారు. మట్కా నిర్వాహకుడు టీచర్స్​ కాలనీకి చెందిన విశనగిరి గురువిష్ణు, బీటర్లు జమ్మలమడుగు మండలం కన్నెలూరు గ్రామానికి చెందిన గంటల హుస్సేన్​, ప్రొద్దుటూరు మండలం చౌటపల్లికి చెందిన మెరువ వెంకటేష్​తో పాటు మట్కా ఆడుతున్న దియ్యా ప్రసాద్​, మడక వెంకటరమణను అరెస్ట్​ చేశారు. వారి వద్ద నుంచి రూ.1.02 లక్షల నగదు, మట్కా చీటీలు స్వాధీనం చేసుకున్నట్లు సీఐ తెలిపారు.

ఇదీ చదవండి..