జీవిత ధ్రువీకరణ పత్రం సమర్పించే విధానం.. ఇక సులభతరం

జీవిత ధ్రువీకరణ పత్రాన్ని సమర్పించే విధానంపై కేంద్ర ప్రభుత్వం కాస్త వెసులుబాటు కలిగించిందని కడప భవిష్యనిధి(పీఎఫ్) కమిషనర్ అవినాష్ కుమార్ తెలిపారు. ధ్రువీకరణ పత్రాన్ని ఇకనుంచి సమీప తపాల కేంద్రాలు, మీ సేవ కేంద్రాల్లో కూడా ఇవ్వవచ్చని స్పష్టం చేశారు. ఎవరూ కార్యాలయానికి రావాల్సిన అవసరం లేదని సూచించారు.

కరోనా నేపథ్యంలో పింఛన్​దారులు పీఎఫ్ కార్యాలయానికి రావడం ఇబ్బందికరంగా మారింది. దాంతో సంబంధిత పోస్టాఫీసుల్లో, మీ సేవ కేంద్రాల్లో కూడా జీవిత ధ్రువీకరణ పత్రాన్ని సమర్పించే అవకాశం కల్పించినట్లు కడప భవిష్యనిధి కమిషనర్ అవినాష్ కుమార్ తెలిపారు. రాయలసీమతో పాటు నెల్లూరు జిల్లాలతో కలిపి సుమారు 90 వేల మంది పింఛన్​దారులున్నారని ఆయన పేర్కొన్నారు. భవిష్య నిధి పరిధిలోకి వచ్చే వారందరూ ఈ అవకాశాన్ని సద్వినియోగం చేసుకోవాలని కోరారు. ఎవరూ కార్యాలయానికి రావాల్సిన అవసరం లేదని ఆయన సూచించారు.

ఇదీ చదవండి: