మాస్కులు ఉంటేనే ప్రజలకు ఇంటి సరుకులు ఇవ్వాలని దుకాణ యజమానులను పోలీసులు ఆదేశించారు. ఈ విధానం పాటించని వారి గురించి పోలీసులకు సమాచారం అందజేయాలని సీఐ మధుసూధనరావు సూచించారు. కడప జిల్లా జమ్మలమడుగు పట్టణ పోలీసులు ఓ గోడ పత్రిక విడుదల చేశారు. ఈ కార్యక్రమానికి పట్టణంలోని దుకాణ యజమానులు హాజరయ్యారు. ఈ గోడ పత్రికను దుకాణదారులకు అందజేశారు. పోలీసులు నిఘా పెట్టినా... ఇంకా కొంత మంది ప్రజలు మాస్కులు ధరించడం లేదని... వారిలో యువత ఎక్కువగా ఉండటం బాధాకరమని ఆయన ఆందోళన వ్యక్తం చేశారు.
ఇదీ చదవండి : 'జమ్మలమడుగు నియోజకవర్గ అభివృద్ధికి రూ. 20 కోట్లు ఇవ్వండి'
