కర్ణాటక మద్యం పట్టివేత... నిందితుడు అరెస్టు

రాష్ట్రంలో పోలీసులు ఎంత హెచ్చరిస్తున్నా అక్రమ మద్యం తరలింపు కొనసాగుతూనే ఉంది. కర్ణాటక నుంచి కడప జిల్లాలోని పులివెందులకు ద్రాక్ష లోడు వాహనంలో అక్రమంగా తరలిస్తున్న 218 మద్యం సీసాలను పోలీసులు పట్టుకున్నారు. ఆ వాహనాన్ని సీజ్​ చేసి, నిందితుడిపై పోలీసులు కేసు నమోదు చేశారు.

కడప జిల్లా పులివెందులకు అక్రమంగా తరలిస్తున్న కర్ణాటక మద్యాన్ని పోలీసులు పట్టుకున్నారు. కణంపల్లి గ్రామ సమీపంలోని చెక్​పోస్టు వద్ద స్పెషల్ ఎన్​ఫోర్స్​మెంట్ పోలీసులు వాహనాలను తనిఖీ చేస్తుండగా కర్ణాటక రాష్ట్రం నుంచి అక్రమంగా తరలిస్తున్న 218 మద్యం సీసాలను పట్టుకున్నారు. ముందుగా అందిన సమాచారంతో చెక్​పోస్టు వద్ద తనిఖీలు నిర్వహిస్తుండగా.... ద్రాక్ష లోడుతో వెళుతున్న వాహనంలో అక్రమ మద్యం పట్టు పడిందని స్పెషల్ ఎన్​ఫోర్స్​మెంట్​ అధికారి సీఐ.సురేష్ రెడ్డి తెలిపారు. ఈ మేరకు వాహనాన్ని సీజ్​ చేసి, నిందితుడు బాబు షన్నుని అదుపులోకి తీసుకుని కేసు నమోదు చేశారు.

ఇవీ చూడండి:బెర్నీ-బైడెన్​ భాయిభాయి.. ట్రంప్ భవిష్యత్తు ఏం కానుంది?