కడప జిల్లా జమ్మలమడుగు ఆర్టీసీ బస్టాండు ఆవరణలో నిలిపి ఉన్న అద్దె బస్సుల్లో రాత్రి వేళల్లో డీజిల్ తీసి విక్రయించే ముఠాను అరెస్ట్ చేసినట్లు ఎస్సైలు రంగారావు, రవికుమార్ తెలిపారు. ఈ నెల 11న రాత్రి జమ్మలమడుగు డిపో ఆవరణలో నిలిపి ఉన్న ఆరు అద్దె బస్సుల్లో నుంచి 345 లీటర్ల డీజిల్ దొంగలించినట్లు చెప్పారు. ఈ నెల 16న బైపాస్ రోడ్డుపై వాహనాలు తనిఖీ చేస్తుండగా వాహనంలో ప్రొద్దుటూరు వైపు నుంచి వస్తూ పోలీసులను చూసి పారిపోయేందుకు ప్రయత్నించగా పట్టుకున్నట్లు చెప్పారు. వాహనంలో ఇద్దరు నిందితులు, ఆరు క్యాన్లలో డీజిల్ ఉందన్నారు. అద్దె బస్సుల్లో నుంచి డీజిల్ను అక్రమంగా తీస్తున్నట్లు విచారణలో తేలిందన్నారు. నిందితులను అరెస్ట్ చేసి వాహనం, డీజిల్ను స్వాధీనం చేసుకున్నట్లు చెప్పారు.
ఇదీ చదవండి :
