current shock: విద్యుదాఘాతంతో దంపతులు మృతి

విద్యుదాఘాతంతో భార్యభర్తలిద్దరూ మృతి చెందారు. ఈ ఘటన కడప జిల్లాలో జరిగింది. ఆరేసిన దుస్తులు తీసే సమయంలో ప్రమాదం జరిగినట్లు కుటుంబసభ్యులు తెలిపారు. కేసు నమోదు చేసుకున్న పోలీసులు దర్యాప్తు చేపట్టారు.

కడప జిల్లా పోరుమామిళ్ల మండలం సిద్దవరం దళితవాడలో దారుణం జరిగింది. విద్యుదాఘాతంతో దంపతులిద్దరు ఒకేసారి కన్నుమూశారు. విద్యుత్ స్తంభానికి ఉన్న సపోర్టు తీగకు మరో స్తంభానికి తీగను కట్టి దుస్తులు ఆరేశారు. వాటిని తీసే క్రమంలో ఆ తీగకు విద్యుత్ సరఫరా కావటంతో భార్యభర్తలు వెంకటలక్ష్మి, గురవయ్య అక్కడికక్కడే మృతి చెందారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. మృతులకు నలుగురు మగపిల్లలు, ఒక ఆడపిల్ల ఉన్నారు. వారి ఇద్దరు మగపిల్లలకు వివాహం చేశారు. భార్యభర్తల మృతితో గ్రామంలో విషాదఛాయలు అలుముకున్నాయి.

ఇదీ చదవండి: FARMERS PROTEST: 'విక్రయించిన ధాన్యం సొమ్ములు ఇప్పించండి'