గ్రామస్థుల వద్ద రూ.10 కోట్లు అప్పు చేసి పరారైన కాంట్రాక్టర్

వాళ్లంతా రైతులు.. వడ్డీ వస్తుందన్న ఆశతో సొమ్మును గుత్తేదారుడికి వడ్డీకి ఇచ్చారు. డబ్బు తీసుకున్న ఆ వ్యక్తి ఇప్పుడు గ్రామంలో కనిపించడం లేదు. ఫోన్ కలవడంలేదు. ఈ క్రమంలో కంగారుపడిన రైతులు పోలీసులను ఆశ్రయించారు. కాంట్రాక్టర్ అని, శనగల వ్యాపారమూ చేస్తుంటాడని, డబ్బులు పక్కాగా తిరగిచ్చేస్తాడనే నమ్మకంతో ఇస్తే ఇలా కనిపించకుండా పోయాడని వాపోయారు. తమ సొమ్ము తమకందేలా చేయాలని వేడుకున్నారు.

కడప జిల్లా జమ్మలమడుగు మండలం ఉప్పలపాడుకు చెందిన ఓ గుత్తేదారుడు గ్రామస్థుల వద్ద సుమారు రూ.10 కోట్లు అప్పు చేసి పరారయ్యాడు. గత 10 రోజులుగా కాంట్రాక్టర్ ఊర్లో కనిపించడం లేదంటూ గ్రామస్థులు పోలీసులను ఆశ్రయించారు. ఫోన్ కూడా కలవడం లేదని డీఎస్పీ నాగరాజుకు వివరించారు.

కాంట్రాక్టర్​ శనగల వ్యాపారం సైతం చేస్తుంటాడని.. గ్రామస్థులు తెలిపారు. సక్రమంగా అప్పు చెల్లిస్తాడనే నమ్మకంతో అతనికి డబ్బిచ్చామని.. ప్రామిసరీ నోట్లు సైతం రాయించుకున్నామని పేర్కొన్నారు. బిల్లులు పెండింగ్​లో ఉన్నాయని.. అవి రాగానే అప్పు తీర్చేస్తానంటూ కాంట్రాక్టర్​ ఇన్నాళ్లూ తమను మభ్య పెట్టాడని వాపోయారు. తమకు న్యాయం చేయాలని వేడుకుంటున్నారు.

ఇవీ చదవండి..