కుటుంబ సభ్యులతో క్రిస్మస్ వేడుకల్లో సీఎం - తల్లి విజయమ్మకు కేక్ తినిపించిన జగన్

CM Jagan Participated in Christmas Celebrations at Pulivendula: సీఎం జగన్‌ వైఎస్సార్ జిల్లాలో మూడోరోజు పర్యటించారు. పర్యటనలో భాగంగా పులివెందుల సీఎస్ఐ చర్చిలో కుటుంబసభ్యులతో కలిసి క్రిస్మస్‌ వేడుకల్లో జగన్‌ పాల్గొన్నారు. సీఎం జగన్ తల్లి విజయమ్మ సహా బంధువులు చర్చిలో ప్రార్థనలు చేశారు.

CM Jagan Participated in Christmas Celebrations at Pulivendula: క్రిస్మస్ పర్వదినం సందర్భంగా రాష్ట్ర ప్రజలందరికీ సీఎం జగన్ శుభాకాంక్షలు తెలియజేశారు. అందరూ సుఖ సంతోషాలతో ఉండాలని ఆకాంక్షించారు. ముఖ్యమంత్రి జగన్మోహన్ రెడ్డి వైఎస్సార్​ జిల్లాలో గత మూడురోజులుగా పర్యటిస్తున్నారు. మూడవ రోజు పులివెందుల సీఎస్ఐ చర్చిలో క్రిస్మస్ వేడుకల్లో పాల్గొన్నారు.

ఉదయం ఇడుపులపాయ నుంచి నుంచి పులివెందులకు చేరుకున్న జగన్ స్థానిక సీఎస్ఐ చర్చ్​లో (CM Jagan celebrate Christmas) తల్లి విజయమ్మతో కలిసి కుటుంబ సభ్యుల సమక్షంలో క్రిస్మస్ వేడుకల్లో పాల్గొన్నారు. అనంతరం క్రిస్మస్ పండగ సందర్భంగా కేక్ కట్ చేసి తల్లి విజయమ్మకు తినిపించారు. 2024 నూతన క్యాలెండర్​ను సీఎం జగన్ ఆవిష్కరించారు. ఈ సందర్భంగా రాష్ట్ర ప్రజలందరికీ క్రిస్మస్ శుభాకాంక్షలు సీఎం తెలియజేశారు. అక్కడికి వచ్చిన ప్రజలందరినీ పలకరించి వారి ద్వారా అర్జీలు స్వీకరించారు. పులివెందుల నుంచి హెలికాప్టర్లో మైదుకూరుకు వెళ్లనున్నారు.

CM Jagan Attend Wedding Ceremony: సీఎం జగన్ ఎక్కడకు వెళ్తే అక్కడ స్థానికులకు కష్టాలు తప్పడం లేదు. ముఖ్యమంత్రి వస్తున్నారంటే చాలు ఆంక్షల పేరుతో పోలీసులు జనాన్ని ముప్పు తిప్పలు పెడుతున్నారు. కిలోమీటర్ల దురం ట్రాఫిక్​ ఆపేస్తుంటారు. దీంతో స్థానికులు. ప్రయాణికులు తీవ్ర ఇబ్బందులకు గురవుతుంటారు. ఇవాళ ముఖ్యమంత్రి జగన్ మైదుకూరులో పర్యటిస్తున్నారు. ఓ వివాహ వేడుకలో పాల్గొనేందుకు మధ్యాహ్నం తర్వాత వెళ్లనున్నా ఉదయం నుంచే ట్రాఫిక్ ఆంక్షలు మొదలయ్యాయి.

బద్వేల్ రోడ్డుకు రాకపోకలు నిలిపివేశారు. ద్విచక్రవాహనాలను సైతం అనుమతించకపోవడంతో వాహనదారులు తీవ్ర ఇబ్బందులకు గురయ్యారు. ఈ క్రమంలో ఓ కానిస్టేబుల్ అత్యుత్సాహం ప్రదర్శించారు. విలేకరి పట్ల దురుసుగా ప్రవర్తించారు. ఉద్యోగానికి ఆలస్యమవుతుందని చెబుతున్నా వినకుండా మీసాలు మెలేస్తూ దుర్భాషలాడతూ ప్రవర్తించారు. పోలీసుల తీరుతో వివాహ వేడుకల్లో పాల్గొనేందుకు వచ్చిన వారు సైతం ఇబ్బంది పడ్డారు.

Christmas Festival is Celebrated in Kadapa: కడప నగరంలో క్రిస్టమస్ పండుగను భక్తులు ఎంతో భక్తిశ్రద్ధలతో నిర్వహిస్తున్నారు. నగరంలోని అన్ని చర్చిలలో అర్థరాత్రి నుంచి ప్రత్యేక ప్రార్థనలు ప్రారంభమయ్యాయి. క్రిస్టమస్ పండగ సందర్భంగా చర్చిలన్నీ విద్యుత్ కాంతులతో ధగధగలాడుతున్నాయి. కడపలోని మరియపురం చర్చి, ఆరోగ్య మాత చర్చి, ఎస్పీజీ, సీఎస్ఐ చర్చిలన్నింటికీ రంగురంగుల విద్యుత్ దీపాలతో అలంకరించి చూడముచ్చటగా ఉన్నాయి. బాల యేసు పశువుల పాకలో జన్మించిన బొమ్మలను ప్రతి చర్చి ఆవరణలో ఏర్పాటు చేశారు. ఉదయము చర్చిలలో ప్రార్థనలు మొదలయ్యాయి. భారీ సంఖ్యలో క్రైస్తవులు ప్రాంతంలో పాల్గొని దేవుని ఆశీస్సులు పొందారు.