కన్నకొడుకు ఇంటి నుంచి గెంటేశాడని వృద్ధ దంపతుల ఆవేదన
కడప జిల్లా రైల్వే కోడూరు మండలం సి. కమ్మ పల్లికి చెందిన వృద్ధ దంపతులైన వెంకట సుబ్బయ్య , సుబ్బమ్మ వయస్సు 80 సంవత్సరాలు. వారికి ముగ్గురు కూతుళ్లు, ఒక కొడుకు. తమ కుమారుడు ఇంటి నుంచి గెంటేశాడని ఆ దంపతులు పోలీసులను ఆశ్రయించారు. తమకు ప్రభుత్వం ఇచ్చే పెన్షన్ తీసుకొని కొడుతున్నాడని వారు ఆవేదన వ్యక్తం చేశారు. ఇంటిని సైతం స్వాధీనం చేసుకున్నాడని వాపోయారు. ఎక్కడికైనా పోయి బతకమని తమ కొడుకు చెబుతున్నాడని ఆ వృద్ధ దంపతులు కన్నీటి పర్యంతమయ్యారు. ఎక్కడికి వెళ్లాలో తెలియక తమకు న్యాయం చేయాలని పోలీసుల దగ్గరకు వచ్చినట్లు చెప్పారు. దీనిపై స్పందించిన పోలీసులు కుమారుడికి కౌన్సిలింగ్ ఇచ్చారు.
ఇదీ చూడండి:
