సీఎం సహాయ నిధికి విరాళాలు అందించిన ఉండ్రాజవరం దాతలు

పశ్చిమ గోదావరి జిల్లా ఉండ్రాజవరం మండలంలోని దాతలు ముఖ్యమంత్రి సహాయ నిధికి విరాళాలు అందించారు. కరోనా వైరస్​ నివారణకు తమ వంతు సాయంగా చెక్కులను నిడదవోలు ఎమ్మెల్యేకు అందించారు.

కరోనా వైరస్ నివారణ చర్యలకు ముఖ్యమంత్రి సహాయ నిధికి విరాళాలు వెల్లువెత్తుతున్నాయి. పశ్చిమ గోదావరి జిల్లా ఉండ్రాజవరం మండలానికి చెందిన పలు అసోసియేషన్లు, సంస్థలు, దాతలు తమ విరాళాలను నిడదవోలు ఎమ్మెల్యే శ్రీనివాస్ నాయుడుకు అందజేశారు.

* ఉండ్రాజవరం పౌల్ట్రీ ఫెడరేషన్ అసోసియేషన్ తరఫున ఈడుగుపుగంటి సత్యనారాయణ 3 లక్షల 58 వేల చెక్కును అందజేశారు.

* ఉండ్రాజవరం రైస్ మిల్లర్స్ అసోసియేషన్ లక్ష 50 వేల రూపాయలు విరాళమిచ్చారు.

* రేణుక ఫిల్లింగ్ స్టేషన్ అధినేత బురుగుపల్లి సుబ్బారావు ప్రజల విరాళాంతో కలిపి లక్ష రూపాయలు ఇచ్చారు.

* కె. సావరంలోని కోస్టల్ ఆగ్రో ఇండస్ట్రీస్ అధినేత చిలకూరి రామకృష్ణ 2 లక్షలు అందించారు.

విరాళాలు అందించిన దాతలందరికీ ఎమ్మెల్యే శ్రీనివాస్ నాయుడు ప్రభుత్వం తరఫున కృతజ్ఞతలు తెలిపారు.

ఇదీ చదవండి: డబుల్ ధమాకా... ఒకే కాన్పులో రెండు దూడలు